Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordanyń qaı kóshelerinde aqyly kólik turaqtary ashylady

2021 jyldyń 18 qazan 2021 14:19

NUR-SULTAN. QazAqparat – Elordanyń birqatar kóshesinde aqyly kólik turaqtaryn ashý josparlanǵan. Bul jaıynda «Astananyń turaq keńistigi» JShS-niń basshysy Shyńǵys Dosybaev aıtty, dep habarlaıdy QazAqparat tilshisi.

«Memlekettik-jekeshelik seriktestik aıasynda 10 myń aqyly turaqty ashýdy josparlaǵan edik. Búginde onyń 487-si Nurjol jelek jolynda ashýǵa daıyn tur. Munan bólek, Saryarqa aýdanynyń Bógenbaı batyr, Respýblıka dańǵyldarynda, jaǵalaý men Saryarua dańǵylynda da qosymsha oryndar iske qosýǵa daıyn», - dedi ol Nur-Sultan qalalyq qoǵamdyq keńesiniń otyrysynda.

Onyń atap ótýinshe, Almaty aýdanynda aqyly turaqtar Táýelsizdik dańǵylynda, Muńaıtasov, Jumabaev, Momyshuly kóshelerinde ashylady.

«Al Baıqońyr aýdanynda «Astanalyq», «Shapaǵat», «Ásem» bazarlary aýdanynda ǵana ashýǵa daıynbyz. Sol jaǵalaýda Syǵanaq, Saraıshyq, Máńgilik el, Turan kóshelerin qarastyryp otyrmyz. Jalpy, atalǵan aýdandardaǵy jańa aqyly turaq oryndary – 5 myń. Nurjol jıek jolynda jumys istep turǵan 500 oryndy qossaq, aqyly turaqtardyń sany 5 500 jetedi», - dedi Shyńǵys Dosybaev.


Avtor Marlan Jıembaı
Basty sózder: Kólik, Qoǵam, Nur-Sultan,
Joǵary qaraı