Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordanyń eki úlken kóshesinde jóndeý jumystaryna baılanysty qozǵalys shekteledi

2022 jyldyń 19 mamyr 2022 14:51

NUR-SULTAN. QazAqparat - Elordada eki úlken kóshede jóndeý jumystaryna baılanysty qozǵalys shekteledi, dep habarlaıdy Nur-Sultan ákimdiginiń resmı saıty.

Elordalyq Kólik jáne jol-kólik ınfraqurylymyn damytý basqarmasy Qalalyq PD ákimshilik polıtsııa basqarmasynyń kelisimi boıynsha Qabanbaı batyr jáne Jeńis dańǵyldarynda jol tósemderin aǵymdaǵy jóndeý jumystaryn júrgizýde.

Aǵymdaǵy jylǵy 20 mamyrda jóndeý jumystarynyń júrgizilýine baılanysty Qabanbaı batyr dańǵyly boıynsha Qorǵaljyn tas jolynan Qaraótkel kópirine deıingi ýchaskedegi avtokólik quraldary úshin qozǵalys ishinara jabylady.

Sonymen qatar, 20-22 mamyr aralyǵynda Jeńis dańǵylynyń Bógenbaı batyr dańǵylynan bastap Máskeý kóshesine deıingi bóligi tolyǵymen jabylady.

«Elorda turǵyndary men qonaqtary qala joldarynda keptelis týdyrmaý úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», - delingen jaýapty basqarmanyń habarlamasynda.


Basty sózder: Qurylys, Nur-Sultan,
Joǵary qaraı