Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordanyń bilim berý uıymdarynda sanıtarlyq talaptyń saqtalýy talqylandy

2021 jyldyń 15 qazan 2021 15:52

NUR-SULTAN. QazAqparat – Elorda ákimdigi koronavırýs pandemııasyna baılanysty bilim berý uıymdarynda sanıtarlyq talaptyń saqtalýy, qaýipsizdik kameralarynyń ornatylýy jáne ózge de máselelerge qatysty onlaın kezdesý ótkizdi, dep habarlaıdy QazAqparat qala ákimdiginiń resmı saıtyna silteme jasap.

Jıyn barysynda tehnıkalyq jáne kásiptik bilim berý uıymdarynyń basshylarymen uıymdarda jáne oǵan jaqyn aýmaqtarda qaýipsizdikti qamtamasyz etý, ishki jáne syrtqy beınebaqylaý júıelerin tolyǵymen Polıtsııa departamentiniń Jedel basqarý ortalyǵyna qosý, COVID-19-dyń aldyn alý jáne onyń taralýyna jol bermeý úshin kúndelikti sanıtarlyq-profılaktıkalyq sharalardy kúsheıtý máseleleri talqylandy.

Nur-Sultan qalasy ákiminiń orynbasary Ashat Oralov bilim berý uıymdarynda qaýipsizdikti qamtamasyz etý jáne koronavırýs ınfektsııasynyń taralýyn boldyrmaý úshin sanıtarlyq-epıdemıologııalyq talaptardyń saqtalýy basty mindet ekenin aıryqsha atap ótti.

«Ujymdyq ımmýnıtetti qalyptastyrý óte mańyzdy. Qazirgi ýaqytta qala turǵyndarynyń 68% astamy KVI-ǵa qarsy vaktsınanyń birinshi komponentin aldy. Tolyq ımmýndaýdan 405 myń azamat ótti. Búginde elordada vaktsınatsııa pýnkteri 36 medıtsınalyq mekemede, 5 saýda ortalyǵy men temirjol vokzaldarynda jáne Nursultan Nazarbaev halyqaralyq áýejaıynda uıymdastyrylǵan. Bul sharalardyń bári halyqqa ekpe alýǵa yńǵaıly bolý úshin qabyldanyp jatyr», - dedi A. Oralov.

Jıyn barysynda bilim berý uıymdaryndaǵy «Ashyq» qosymshasy rejıminiń saqtalýy jáne qyzmetkerlerdiń vaktsınalaný statýsy, dezınfektsııalaý rejıminiń, maska rejımi jáne áleýmettik qashyqtyqtyń saqtalýy sóz etildi. Sol sııaqty oqý protsesinde stýdentterge koronavırýstan qorǵaý júıeleri, ıaǵnı termometrlerdi, retserkýlıatorlardy, sanıtaızerlerdi jáne jeke qorǵanys quraldaryn qoldanýdyń mańyzdy ekenine nazar aýdartý, jataqhanalarda epıdemııaǵa qarsy sharalar keshenin turaqty júrgizý, turǵyn jaılardy únemi jeldetý, jataqhanalarda turatyndardyń baılanysyn barynsha azaıtý máselesi talqylandy.

Osyǵan baılanysty bilim berý uıymdarynyń ákimshiligine qaýipsizdikti qamtamasyz etý jáne ınfektsııanyń taralýyn boldyrmaý sharalaryn kúsheıtý tapsyryldy. Tıisti tekserýlerdi qalalyq sanıtarlyq-epıdemıologııalyq qyzmetter ary qaraı da jalǵastyrady.


Joǵary qaraı