Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyqtyń satpaq bolǵan kóligin aıdap áketken kúdikti ustaldy

2021 jyldyń 24 qarasha 2021 15:00

NUR-SULTAN. QazAqparat – Elorda turǵyny satpaq bolǵan kóliginen aıyrylyp qala jazdady, dep habarlaıdy QazAqparat tilshisi.

Nur-Sultan qalalyq Polıtsııa departamentiniń málimetinshe, elorda turǵyny «Kia Rio» markaly kóligin satpaq bolyp, tanymal jarnama saıttarynyń birine habarlandyrý beredi. Biraz ýaqyttan soń áleýetti satyp alýshy tabylyp, olar mashınany kórý úshin Mamandandyrylǵan halyqqa qyzmet kórsetý ortalyǵy janynda kezdesýge ýaǵdalasady. Kezdesýge tanysymen kelgen satyp alýshy kólik kóńilinen shyqqannan keıin mámile jasaýdy usynady. Osylaısha, olar qujat rásimdeý úshin MHQKO ǵımaratyna kiredi. Osy kezde jalǵyz qalǵan satyp alýshynyń tanysy kólikti aıdap áketedi.

«Polıtsııa qyzmetkerleri kólikti urlanǵan jerden 500 metr qashyqtan tapty. Kólik salonynan 160 myń teńge urlanǵan. Jedel izdestirý is-sharasy barysynda buǵan deıin urlyq jasaǵany úshin sotty bolǵan 24 jastaǵy kúdikti ustaldy. Ustalǵan jigit kinásin moıyndap, Polıtsııa departamentiniń ýaqytsha oqshaýlaǵyshyna qamaldy. Kúdiktiniń ústinen sotqa deıingi tergeý amaldary júrgizilip jatyr», - dep atap ótedi vedomstvodan.


Joǵary qaraı