Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyqtar kitaphanaǵa jıi bara ma

2021 jyldyń 26 qazan 2021 17:35

NUR-SULTAN. QazAqparat – Elordada 18 kitaphana jumys isteıdi. Bul týraly Nur-Sultan qalalyq Mádenıet basqarmasy bastyǵynyń mindetin atqarýshy Sanat Shapashov aıtty, dep habarlaıdy QazAqparat tilshisi.

«Nur-Sultan qalasynyń mádenıet basqarmasyna qarasty Ortalyqtandyrylǵan kitaphana júıesindegi 18 kitaphana qala turǵyndaryna qyzmet kórsetedi. Olardyń shtattyq kestesi 126 birlikti quraıdy. 2021 jyldyń 1 qazanyndaǵy málimetterge sáıkes, elorda kitaphanalarynyń kitap qory 736 118 dana kitapty quraıdy. Oqyrman sany – 70 857 adam. Berilgen kitap sany – 1 072 726. Atalǵan kezeńde kitaphanalarǵa 423 970 adam keldi», - dedi ol Nur-Sultan qalalyq máslıhatynyń turaqty komıssııasy otyrysynda.

Onyń dereginshe, atalǵan kitaphanalardyń 2021 jylǵa arnalǵan bıýdjeti 258 mln teńgeni quraıdy.

«Búginde «Samruk-Kazyna Trust» áleýmettik jobalardy damytý qorynyń qoldaýymen, «Zamandas-21» qoǵamdyq birlestigimen ózara is-qımyl jáne yntymaqtastyqty jolǵa qoıýdyń arqasynda eki kitaphanada qalamyzdyń jastaryna arnalǵan kovorkıng ortalyqtar ashyldy», - dedi Sanat Shapashov.


Avtor Marlan Jıembaı
Basty sózder: Nur-Sultan, Bilim, Qoǵam, Ádebıet,
Joǵary qaraı