Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyq volonterler vaktsına alýǵa shaqyrǵan aktsııa uıymdastyrdy

2021 jyldyń 17 qyrkúıek 2021 17:59

NUR-SULTAN. QazAqparat – Búginde elimizde koronavırýs indetine qarsy vaktsına alý qarqyndy júrip jatyr. Mıllıon turǵyny bar Nur-Sultan qalasy da osy qatarda. Halyq arasynda vaktsına alý protsesin jedeldetý maqsatynda eloordada vırýsqa qarsy ekpe alýdyń mańyzdylyǵy taǵy bir ret túsindirildi, dep habarlaıdy QazAqparat tilshisi.

Búgin astanalyq volonterler «COVID-19-dy toqtat, vaktsına al!» atty aktsııa uıymdastyrdy. Onyń barysynda elorda jurtshylyǵyna koronavırýstyń taralýyn toqtatýda vaktsına alýdyń mańyzdylyǵy túsindirildi. Volonterler bul joly «Kerýen City» oıyn-saýyq jáne saýda ortalyǵyn aralap, kelýshilerdi vaktsına alýǵa shaqyrdy.
















«Bizdiń sharanyń maqsaty - elorda turǵyndary men qonaqtaryn vaktsına alýǵa shaqyrý. Sol arqyly adamdar ózimen qosa aınalasyndaǵy adamdardy da indetten qorǵaıdy. Árıne, eshkimdi vaktsına alýǵa májbúrlemeımiz, tek onyń mańyzdylyǵyn aıtyp ótemiz. Ekpe alý ár adamnyń erkimen jasalady. Biz qazir turǵyndar arasynda aqparattyq túsindirý jumysymen aınlasyp júrmiz. Kóp adamdar túsinistikpen qaraıdy. Biz aıtqan aqparattardy tyńdap, vaktsına alýǵa shaqyrǵan paraqshalardy alyp jatady. Arasynda turǵyndar tarapynan suraqtar da týyndaıdy. Kóbinese ekpeni qaı jerden jáne qalaı alýǵa bolady? Qandaı vaktsına túrleri bar? dep qyzyǵýshylyq tanytyp jatady», - dedi elordalyq volonter Damır Aıtymov.

Atalǵan shara barysynda 5 volonter 150 vaktsına alýǵa shaqyrǵan paraqshany taratty.

Búginde Nur-Sultan qalasynda emhanalardan bólek, iri oıyn-saýyq jáne saýda ortalyqtarynda vaktsına alý beketteri demalyssyz jumys istep tur.

Aıta keteıik, volonterler aktsııasy qalalyq ákimdik janyndaǵy Jastar saıasaty máseleleri basqarmasy jáne «Astana jastary» ortalyǵynyń uıytqy bolýymen ótti.









































Joǵary qaraı