Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyq «Nomad» araǵa bir jyl salyp hokkeıden Qazaqstan chempıonatyna oraldy

2020 jyldyń 17 qyrkúıek 2020 17:29

NUR-SULTAN. QazAqparat – Elordalyq «Barys» komandasynyń farm-klýby qazaqstandyq chempıonatqa bir jyl qatyspaı, qaıta oraldy, dep habarlaıdy QazAqparat SPORTINFORM resýrsyna silteme jasap.

2019-2020 jyldar maýsymynda «Nomad» Joǵary hokkeı lıgasynda alǵash ret oıynǵa qatysty. Ókinishke qaraı, komanda JHL-ǵa qatysqan alǵashqy jyly pleı-offqa shyǵa almady. Elordalyq ujym 14-shi orynnan kórinip, maýsymdy merziminen buryn aıaqtaǵan.

ıÝrıı Mıhaılıs «Barysqa» ketken soń «Nomadtyń» bas jattyqtyrýshysy qyzmetine Aleksandr Vysotskıı taǵaıyndaldy. Ol klýb júıesinde 2013 jyldan beri qyzmet atqaryp, kóptegen oıynshylarmen jaqsy tanys.

Komanda ótken maýsymnyń úzdik shabýylshysy Talǵat Jaılaýovpen, sondaı-aq, úzdik snaıper Valentın Razýmnıakpen qoshtasty. Alaıda ujymnyń negizgi quramy saqtalyp qalǵan.

Birneshe jyldan beri «Nomadtyń» naqty kóshbasshysy joq. Sondyqtan onyń kez kelgen oıynshysy nátıjege qol jetkizý arqyly komanda kóshbasshysy bola alady. Munda jańa deńgeıge birinshi komandanyń esigin qaǵyp turǵan jas hokkeıshiler shyǵýy tıis. Al kıim sheshetin bólmedegi atmosferaǵa kópjylǵy kapıtan Madııar Ybraıbekov jaýap beredi.

«Nomad» JHL-ǵa ótken soń úsh maýsym boıy ulttyq birinshilik fınalyna ótip, bir ret altyn medal jeńip alǵan. Komanda eń úzdik nátıjege qol jetkizýdi kózdep otyr.


Basty sózder: Sport, Nur-Sultan,
Joǵary qaraı