Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyq emhanalarǵa 1,2 mln-nan astam adam tirkelgen

2021 jyldyń 26 qarasha 2021 04:23

NUR-SULTAN. QazAqparat - «Bekitilgen halyq tirkelimi» portalynyń málimetteri boıynsha, Nur-Sultan qalasynyń alǵashqy medıtsınalyq-sanıtarlyq kómek kórsetý mekemelerine bekitilgen qala turǵyndarynyń sany 1 275 277 adam boldy, dep habarlaıdy elorda ákimdiginiń saıty.

Qazaqstanda emhanalarǵa tirkelý boıynsha jyl saıynǵy aılyq naýqan 15 qarashada aıaqtaldy. Osy kezeńde medıtsınalyq uıymdy erkin tańdaý quqyǵyn 247 myń adam paıdalandy, onyń 2 myńy emhanaǵa alǵash ret tirkeldi.

«Bekitý naýqanynyń qorytyndysy boıynsha, halyqtyń bólinýin eskere otyryp, qor aldaǵy jylǵa arnalǵan medıtsınalyq uıymdardy qarjylandyrý kólemin qalyptastyrady. Naýqan sheńberinde emhana aýysqan kezde azamattar onda TMKKK jáne MÁMS boıynsha kómekti 2022 jylǵy 1 qańtardan bastap ala alady. Osy ýaqytqa deıin olarǵa burynǵy medıtsınalyq uıymda qyzmet kórsetiledi», – dep túsindirdi Áleýmettik medıtsınalyq saqtandyrý qory astanalyq fılıalynyń dırektory Nurlybek Qabdyqaparov.

Esterińizge sala keteıik, tirkeý naýqany – emhanany aýystyrýdyń jalǵyz múmkindigi emes. Muny jylyna bir ret erkin tańdaý quqyǵymen jasaýǵa bolady, sondaı-aq eger adam turaqty nemese ýaqytsha turatyn jerin, jumys nemese oqý ornyn aýystyrsa, basqa eldi mekenge kóshse nemese ol turǵan emhana qaıta uıymdastyrylsa nemese joıylsa jáne t. b. jaǵdaılarǵa baılanysty aýystyrýǵa bolady.

Qosymsha suraqtar týyndaǵan jaǵdaıda qala turǵyndary emhananyń anyqtama qyzmetine nemese Áleýmettik medıtsınalyq saqtandyrý qoryna kelesi baılanys arnalarynyń biri boıynsha habarlasa alady: fms.kz saıty, 1406 baılanys ortalyǵy, Telegram-daǵy Qoldau 24/7 jáne SaqtandyryBot mobıldi qosymshasy.


Joǵary qaraı