Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordalyq 7 mekeme jumys rejımin buzǵany úshin jaýapqa tartyldy

2021 jyldyń 22 shilde 2021 04:10

NUR-SULTAN. QazAqparat - Elordanyń monıtorıngtik toptary krantın talaptaryn buzǵan kásipkerlik nysandardy kún saıyn anyqtaı otyryp, táýlik boıy kúsheıtilgen rejımde jumysyn jalǵastyrýda. Ótken táýlikte, 20 shildede, osyndaı 7 nysan ákimshilik jaýapkershilikke tartyldy, dep habarlaıdy Nur-Sultan ákimdiginiń resmı saıty.

Esil aýdanynda «Chechil Pub» bary, «Alanya» karaoke-meıramhanasy, «The-DYM» laýndj-bary jumys rejımin buzdy. Sondaı-aq, sońǵysy kalıan shegý qyzmetin kórsetken.

Sonymen qatar, baqylaý toby esigin jaýyp jumys istegen «Inforno» meıramhanasyna kire almady.

Sondaı-aq belgilengen ýaqyttan keıin Almaty aýdanynda ornalasqan «Banıa na drovah» saýnasy men «Potolok» ınternet kafesi jumys istegen.

Saryarqa aýdanynda «Sport sıtı» fıtnes klýby men «Stambýl» kafesi de osyndaı buzýshylyqtarǵa jol berdi.

Karantın tártibin buzǵandarǵa qatysty jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.

Esterińizge sala keteıik, elordadaǵy epıdemıologııalyq jaǵdaı áli turaqsyz, kún saıyn myńnan astam adamnan koronavırýs ınfektsııasy anyqtalýda. Osyǵan baılanysty qala turǵyndary men qonaqtary, sondaı-aq kásipkerlik nysandary sanıtarlyq normalar men karantındik shekteýlerdi qatań saqtaýy tıis.


Joǵary qaraı