Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordaǵa revaktsınatsııadan ótetinder úshin «Spýtnık Laıt» preparaty jetkizildi

2022 jyldyń 21 qańtar 2022 16:24

NUR-SULTAN. QazAqparat - Elorda ákimdiginiń Qoǵamdyq densaýlyq saqtaý basqarmasynyń qoımasyna «Spýtnık Laıt» vektorlyq vaktsınasy jetkizildi. 10 myń doza mólsherinde birinshi partııa keldi, ol bir komponentti bolyp sanalady, dep habarlaıdy QazAqparat qala ákimdigine silteme jasap.

Qalalyq Densaýlyq saqtaý basqarmasy bul vaktsına tek halyqty revaktsınalaýǵa, ıaǵnı tolyq ımmýndaý merzimi aıaqtalǵannan keıin qaıta vaktsınatsııadan ótýge arnalǵanyn atap ótti.

Alǵashqy vaktsınatsııa kezinde QazVac, Sinopharm, Hayat-Vac, Sinovac ekpesin alǵandarǵa «Spýtnık Laıt» preparatymen revaktsınatsııa jasatýǵa bolady.

«Vaktsına arnaıy muzdatqyshpen jetkizilip, temperatýrasy -18 gradýs jáne odan tómen muzdatqysh jabdyqqa ornalastyryldy. Emhanalarǵa bul vaktsına tirkelgen halyq sanyn eskere otyryp bólinedi.

Medıtsınalyq-sanıtarlyq alǵashqy kómek uıymdarynyń vaktsınatsııa pýnkterinde jáne saýda ortalyqtarynda («Kerýen» SOO, «Abý dabı plaza», «Azııa park», «Eýrazııa» SÚ) revaktsınatsııadan ótýge bolady», - dedi ákimdikten.

Osylaısha, elordada revaktsınatsııaǵa arnalǵan mynadaı ekpeler bar: QazVac, Sinopharm jáne Spýtnık Light. Pfizer preparatymen tıisti kontıngent, sondaı-aq 60 jastan asqandar men medıtsına qyzmetkerleri revaktsınatsııa jasata alady.


Joǵary qaraı