Aýa raıy
Astana -2 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Elordadaǵy jármeńkege Qyzylorda men Aqtóbe oblystarynan 540 tonna azyq-túlik jetkiziledi

2020 jyldyń 17 qyrkúıek 2020 11:37

NUR-SULTAN. QazAqparat - Elordadaǵy jármeńkege Qyzylorda men Aqtóbe oblystary 540 tonna azyq-túlik jetkizedi. Kelýshilerge qatań sanıtarlyq-gıgıenalyq normalardy saqtaý qajet, dep habarlaıdy ákimdiktiń resmı saıty.

19 jáne 20 qyrkúıekte «Han-Shatyr» saýda oıyn-saýyq janyndaǵy alańda (Qonaev kóshesi men Turan dańǵylynyń qıylysy) Qyzylorda jáne Aqtóbe oblystary sharýalarynyń jármeńkesi ótedi. Olar naryqtan 10-15% tómen baǵamen 80-nen astam taýar túrin usynatyn bolady.

Barlyǵy 540 tonna ónimdi, onyń ishinde: 146 tonna kúrish, 129 tonna kartop pen kókónis, 62 tonna et, 30 tonna balyq ónimderi, 13 myń dana taýyq jumyrtqasy, 7 tonna shujyq ónimderi, 5 tonna un jáne makaron ónimderi, 5 tonna alkogolsiz sýsyndar jáne t. b. satý josparlanyp otyr.





Jármeńkege 90 otandyq óndirýshi qatysady («Aıs» JShS, «Agrofırma Taý» JShS, «Novo-Aldjanskıı melkombınat» JShS, «Ramazan» JShS, «Aqtóbe-nan» JShS, «Aıbek» ÁKK shujyqtary men et delıkatesteri, «Stepnoe» JShS, «Rokos» JShS, «Izet GrınHaýs» JShS jáne «Grınhaýs Qazaqstan» JShS jylyjaı kókónisteri, «Mır krýp» tuzy, «Jańajol» kúrish, «Syr marjany», «Baıqońyr» Agroholdıngi», «Naımır», «Baıqońyr» ÁKK).

«Kelýshiler qatań sanıtarlyq-gıgıenalyq normalardy saqtaýy kerek. Maska taǵyp, antıseptık qoldanýdy umytpańyz»,-delingen habarlamada.








Basty sózder: Azyq-túlik, Qoǵam, Nur-Sultan,
Joǵary qaraı