Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Elordadaǵy saýda ortalyqtary demalys kúnderi qandaı jaǵdaıda ashylady

2020 jyldyń 21 qazan 2020 16:34

NUR-SULTAN. QazAqparat - Demalys kúnderi elordadaǵy saýda ortalyqtarynyń qaıta ashylatyn kúni epıdemıologııalyq jaǵdaıǵa baılanysty bolady. Bul týraly Nur-Sultannyń bas memlekettik sanıtarlyq dárigeri Janna Pirálıeva málimdedi, dep habarlaıdy elorda ákimdiginiń resmı saıty.

«Ázirge epıdemıologııalyq jaǵdaı kelesi demalys kúnderi saýda ortalyqtaryn ashýǵa múmkindik bermeıdi. Qazir bizde jeńildik jasaýǵa múmkindik joq, COVID-19 jaǵdaılaryn tirkeý jalǵasýda. Máselen, keshe 29 jaǵdaı balalar arasynda da, eresekter arasynda da tirkeldi. Kóbinese olar sımptomdy túrimen aýyrady. Sondaı-aq aýrýdyń aldyńǵy aptamen salystyrǵanda ósýi baıqalady. Búgin, besinshi kúni, elorda «jasyl» aımaqta tur, osy kórsetkishter 14 kún boıy saqtalǵannan keıin ǵana, jeńildetý týraly aıtýǵa bolady», - dep túsindirdi Janna Pirálıeva.




Suhbattasýshy sonymen qatar aımaqtyń túsi arnaıy matrıtsa arqyly anyqtalatynyn atap ótti. Reprodýktıvti san aýrýshańdyq deńgeıi bir kúnge kóterilgen jaǵdaıdyń ózinde sanaý qaıta bastalady.


























Basty sózder: Medıtsına, Koronavırýs, Karantın,
Joǵary qaraı