Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordadaǵy eski stadıon apattyq jaǵdaıda tur

2021 jyldyń 13 qazan 2021 10:00

NUR-SULTAN. QazAqparat – Nur-Sultan qalasyndaǵy Qajymuqan Muńaıtpasov atyndaǵy ortalyq stadıonnyń jańa ǵımaratyn salý úshin eskızdik joba jasalyp jatyr, dep habarlaıdy QazAqparat tilshisi.

Bul aqparatty qala ákimdiginiń baspasóz qyzmeti málim etti.

«Muńaıtpasov atyndaǵy ortalyq stadıon apattyq jaǵdaıda dep tanylýyna baılanysty qazirgi tańda jobalyq izdestirý jumystary júrip jatyr. Bul jumys qazir eskızdik jobasyn daıyndaý satysynda tur», - delingen ákimdiktiń baspasóz qyzmeti bergen málimette.

Aıta keteıik, bıyl elimizde Qajymuqan Muńaıtpasovtyń 150 jyldyǵy atalyp ótip jatyr.

Sáýirde QazAqparat saýalyna joldaǵan jaýabynda Mádenıet jáne sport mınıstrligi memleket tarapynan qarjylaı qoldaýǵa ıe bolǵan 17 kınojobanyń ishinde Qajymuqan týraly jańa fılmniń de bar ekenin rastaǵan bolatyn. Mınıstrlik mamandarynan naqtylaǵanymyzda «Qajymuqan» fılmi túsirilip jatqanyn rastady. Degenmen, pandemııaǵa baılanysty shekteýler ujymnyń josparyn ózgertkendikten, atalǵan fılmniń ekranǵa qashan jol tartatyny belgisiz bolyp otyr.


Foto: wikimedia.org

Avtor Esimjan Naqtybaı
Basty sózder: Nur-Sultan, Qoǵam, Qurylys,
Joǵary qaraı