Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada júk tasymaly qalaı júzege asyrylady

2021 jyldyń 30 shilde 2021 14:27

NUR-SULTAN. QazAqparat – Nur-Sultan qalasynda shetelden keletin jáne el ishindegi júk tasymaly qalaı júzege asady jáne tonnalap kelgen júk taýarlary qaıda saqtalady. Osy jáne ózge de suraqtarǵa «Continental Logistics» JShS-niń jetekshisi Erkin Jumabekov jaýap berdi, dep habarlaıdy QazAqparat tilshisi.

«Bizdiń transportty-logıstıkalyq ortalyq 2015 jyly quryldy. Qazirgi ýaqytta bizdiń termınal jylyna 250 myń tonna júk qabyldap, tasymaldaıdy. Aıyna 350-400 vagon júk qabyldaımyz. Sol sekildi bul logıstıkalyq ortalyq bir mezette 2 myń konteıner júkti qabyldap, odan ári jónelte alady. Taǵy bir artyqshylyq júk qabyldaý jáne tasymaldaý termınaly Sorokovaıa stansasynda ornalasqan, júk tasymaly úshin bul óte yńǵaıly. Pandemııa bastalǵanda da jumys toqtaǵan joq, árıne karantın talaptaryn saqtaı otyrdyq jáne pandemııa kezinde biz halyq jıi tutynatyn zattar men qatar azyq-túlikti alyp kelý, ony óńirlerge jetkizýmen aınalystyq. ıAǵnı tonnalaǵan azyq-túlik bizge keledi, biz ony kelisimshartqa sáıkes suryptap, tıisti óńirler men iri saýda ortalyqtaryna jiberip otyrdyq. Negizgi biz tasymaldaıtyn jáne jetkizetin zattar ol azyq-túlik pen turmystyq zattar», - dedi Erkin Jumabekov baspasóz týr barysynda.




Onyń aıtýynsha, elordadan bólek, atalǵan atalǵan logıstıkalyq ortalyq Shymkent qalasynda jumys isteıdi.




«Syrttan taýarlar kóbine Qytaı men Eýropa elderinen keledi. Bul jerde 150 adam 24/7 rejiminde jumys isteıdi. Bizge jetkizilgen árbir taýar kelisimshartqa sáıkes tekserilip, sanap alynady. Eger taýar buzylǵan nemese tolyqtaı jetpegen jaǵdaıda, zań aıasynda akt toltyrylyp, soǵan sáıkes aıyppul salynýy da múmkin. ıAǵnı kelgen taýar elimizdiń eshqandaı zańnamasyn buzbaýy tıis, barlyq zańdar saqtalyp, tıisti salyqtar tólenýi mindet. Kólik-logıstıkalyq ortalyqqa keletin taýarlardyń 80 paıyzy elordada qalady, qalǵan 20 paıyzy óńirlerge jóneltiledi. Bul jerde 250 júk konteıneri bar, olar ártúrli taýarlardy júkteý men saqtaýǵa arnalǵan. Kúnine biz 20-25 júk konteınerin qabyldap nemese jóneltip otyramyz. Bizde ártúrli sala klıentteri bar, onyń ishinde memlekettik organdar, jeke kompanııalar, saýda, qurylys jáne medıtsınalyq uıymdar da bar», - deıdi ol.




Sondaı-aq, kompanııa jetekshisi júk tıeý, túsirý jáne qabyldaý jumystarynyń elektrondy túrde júzege asyrylatynyn aıtty.





























Avtor Álı Ibraev
Basty sózder: Nur-Sultan, Azyq-túlik, Kólik,
Joǵary qaraı