Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada joldyń qarsy betine shyǵyp jarysqan júrgizýshiler jazalandy

2021 jyldyń 24 qazan 2021 16:31

NUR-SULTAN. QazAqparat – Elordada birneshe kólik júrgizýshi joldyń qarsy betine shyǵyp jarysqan. Bul jaıynda Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«Atalǵan fakti boıynsha «Mercedes Benz» markaly avtokóliktiń 22 jastaǵy júrgizýshisine qatysty kólikti mas kúıde júrgizgeni úshin QR ÁQBtK 608-baby 1-tarmaǵymen ákimshilik is qozǵaldy. Qarama-qarsy qozǵalysqa arnalǵan jol bóligine shyǵyp ketkeni úshin «Mercedes Benz» kóliginiń júrgizýshisi QR ÁQBtK 596-baby 3-tarmaǵymen ákimshilik jaýapqa tartyldy. Sonymen qatar júrgizýshiniń ústinen QR ÁQBtK 595-baby 1 tarmaǵy jáne 630-baby 1-tarmaǵymen ákimshilik hattama toltyryldy», - dedi vedomstvodan.

Ákimshilik sottyń sheshimimen 22 jastaǵy júrgizýshi 7 jylǵa kólik quralyn júrgizý quqyǵynan aıyrylyp, 15 táýlikke ákimshilik qamaýǵa alyndy. Taǵy bir «Mercedes Benz» kóliginiń 31 jastaǵy júrgizýshisin qatysty QR Ákimshilik quqyq buzýshylyq týraly kodekstiń 596-baby 3-tarmaǵymen jáne 590-baby 9-tarmaǵymen ákimshilik is qozǵaldy. Munan bólek, «Toyota Camry», «BMW», «Mercedes Benz» kólikteriniń júrgizýshileriniń ústinen de ákimshilik is qozǵalyp otyr. Al ustalǵan kólikterdiń barlyǵy kommýnaldyq turaqqa qoıyldy.


Joǵary qaraı