Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada jol erejesin buzǵan eki sheteldik júrgizýshi ustaldy

2020 jyldyń 19 qarasha 2020 15:51

NUR-SULTAN. QazAqparat - Elorda aýmaǵynda ótip jatqan «Qaýipsiz jol» aldyn alý sharasy barysynda jol júrisi erejesin buzǵan eki sheteldik ustaldy, dep habarlaıdy QazAqparat tilshisi.

Atap aıtqanda, keshe saǵat 10.30-da polıtsııa qyzmetkerleri Saraıshyq kóshesi boıynda Ózbekstannyń 28 jastaǵy azamaty júrgizip kele jatqan «Toyota Camry» kóligin toqtatqan. Onyń qujattaryn tekserý barysynda júrgizýshi kýáliginiń joq ekendigi anyqtalǵan.

«2020 jyldyń mamyrynda sot sheshimimen ol mas kúıde rýlge otyrǵany úshin 7 jylǵa júrgizýshi kýáliginen aıyrylǵan. Júrgizýshiniń ústinen QR Ákimshilik quqyq buzýshylyq týraly kodekstiń 612-baby 3-tarmaǵymen ákimshilik is qozǵaldy. Materıal ákimshilik sotqa jiberilip, kólik kommýnaldyq turaqqa qoıyldy. Sot sheshimimen kólik quralyn júrgizýshi kýáliginsiz basqarǵan azamat 50 AEK kóleminde aıyppul tóleýi nemese 10 táýlikke ákimshilik tutqynǵa alynýy múmkin», - dep atap ótedi Nur-Sultan qalalyq Polıtsııa departamentinen.

Al ekinshi sheteldik - Tájikstannyń 25 jastaǵy azamaty jol júrisi erejesin óreskel buzyp, jolda apattyq jaǵdaı týdyrǵan. Naqty aıtqanda, «ıAndeks» taksıin júrgizgen sheteldik joldyń qarsy betine shyǵyp ketken. Sondyqtan onyń ústinen QR ÁQBtK 596-baby 3-tarmaǵymen ákimshilik is qozǵaldy. Materıal protsessýaldyq sheshim qabyldaý úshin ákimshilik sotqa berildi.

Aıta keteıik, qarashanyń 18-20-sy aralyǵynda elorda aýmaǵynda «Qaýipsiz jol» respýblıkalyq jedel aldyn alý sharasy ótip jatyr. Sharanyń alǵashqy kúninde polıtsııa qyzmetkerleri 700-den astam jol júrisi erejesiniń buzylǵandyǵyn anyqtady. Olardyń ishinde qoǵamdyq kóliktiń 12 júrgizýshisi bar. Júrgizýshi kýáliginsiz kólik júrgizgen 60-tan astam adam ustaldy. Olardyń úsheýi buǵan deıin kólik júrgizý quqynan aıyrylǵan. Komýnaldyq turaqqa 22 kólik qoıyldy.


Avtor Marlan Jıembaı
Basty sózder: Basqa memorgandar, Nur-Sultan,
Joǵary qaraı