Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada jezóksheler prıtonyn uıymdastyrǵan áıel ustaldy

2021 jyldyń 2 jeltoqsan 2021 15:30

NUR-SULTAN. QazAqparat – Elordada adam saýdasyna qatysty qylmystardyń aldyn alý, anyqtaý jáne ashýǵa baǵyttalǵan «STOP trafık» jedel-aldyn alý sharasy ótti, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.

Shara bastalǵanan beri polıtseıler 46 adamdy anyqtap, arnaıy esep aldy. Jezókshelikpen aınalysý nemese jeńgetaılyq jasaý úshin bólmelerdi jalǵa bergen 4 turǵynǵa aıyppul salyndy, taǵy 29 adam ákimshilik jaýapkershilikke tartylǵan.

«Polıtsııa qyzmetkerleri jeńgetaılyqpen aınalysqan 40 jastaǵy áıeldi ustady. Ol massaj salony retinde ashqan bólmelerinde jezókshelikpen aınalysatyn prıton uıymdastyrǵan. Áıel paıda tabý úshin onda kelýshilerdi ıntım qyzmetin kórsetetin qyzdarmen jolyqtyryp otyrǵan. Osyǵan uqsas qylmys jasaǵany úshin qaladaǵy saýnanyń 23 jastaǵy ákimshisi de ustaldy. Tekserý barysynda aqsha men aıǵaq dálelder anyqtalǵan», - dedi polıtsııa departamentinen.

Qazirgi kezde ustalǵandarǵa qatysty sotqa deıingi tergeý amaldary júrgizilip jatyr. Polıtsııa qyzmetkerleri arnaıy shara kezinde jeńgetaılyq jasaý jáne prıton uıymdastyrýǵa qatysty 10 faktini anyqtady.


Basty sózder: Nur-Sultan, Qylmyspen kúres, QR ІІM,
Joǵary qaraı