Aýa raıy
Astana -4 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Elordada jarylys bolǵan dámhanadan 35 gaz ballony shyǵarylǵan – TJM

2020 jyldyń 23 qarasha 2020 14:13

NUR-SULTAN. QazAqparat – QR Tótenshe jaǵdaılar mınıstrligi elordada jarylys bolǵan dámhanadan órt sóndirýshilerdiń 35 gaz ballonyn alyp shyqqanyn jarııa etti, dep habarlaıdy QazAqparat tilshisi.

Mınıstrliktiń baspasóz qyzmeti 2020 jylǵy 21 qarashada saǵat 12.25-te Nur-Sultan qalasy TJD kezekshi-dıspetcherlik qyzmetiniń pýltine Shubar shaǵyn aýdanyndaǵy «Halalbrothers» dámhanada gaz ballon jarylǵany, saldarynan órt shyqqany týraly habarlama túskenin jarııa etti. Órt sóndirýshiler oqıǵa ornyna saǵat 12.32-de kelgen boıda jarylys saldarynan eki qabatty kottedjge japsarlas salynǵan qurylys pen qazandyqtyń ishinara qabyrǵalary jáne shatyry qulaǵany anyqtalǵan. Sonymen qatar 20 sharshy metr kólemde japsarlas salynǵan qurylys pen qazandyqtyń shatyry janǵan. Qurylystyń 100 sharshy metr kólemi qırap (jalpy kólemi 600 sharshy metr), jarylys saldarynan as úıdiń shatyry qulaǵan.














«Elordalyq qutqarýshylar oqıǵa ornynan 35 gaz balondy shyǵardy. Úıindiniń arasynan 1998 jyly týǵan qyzdy qutqardy, ol jabyq bas mı zaqymyn alǵan. Ókinishke qaraı, oqıǵa ornynda dámhanada ydys jýýshy bolyp qyzmet atqaratyn 1968 jyly týǵan áıel adam kóz jumdy», - dep habarlaıdy mınıstrliktiń baspasóz hatshysy Talǵat Ýálı.

Jedel medıtsınalyq kómek brıgadasy 34 adamdy emhanaǵa jetkizgen. Onyń ishinde 11-i dáriger qaraǵannan keıin úılerine qaıtarylyp, 23-i aýrýhanaǵa jatqyzyldy. Zardap shekken adamdardyń barlyǵy dámhana jumysshylary. Sondaı-aq jarylys saldarynan 3 avtokólik zııan keltirildi.





«Kólemi 20 sharshy metr órt saǵat 12.58-de sóndirildi. Avarııalyq-qutqarý jumystary saǵat 16.59-da aıaqtaldy. Órttiń shyǵý sebepteri anyqtalýda. Oqıǵa ornynda Nur-Sultan qalasy TJD, Apattar medıtsınasy ortalyǵynyń 56 qyzmetkeri men 14 birlik tehnıkasy jumys júrgizdi. Qala ákimdigi jáne TJ departmenti adamdar tońyp qalmas úshin KÝNG-kóligi men avtobýs jiberildi», - delingen habarlamada.

Oqıǵa ornynda halyqqa psıhologııalyq kómek berý jáne aqparattyq qoldaý úshin qaýyrt jeli telefony jumys istedi 8-7172-24-51-71 ı 8-7172-24-51-47. Oǵan 11 qońyraý túsken.

Aıta keteıik, 21 qarashada elordadaǵy dámhananyń birinde gaz ballony jarylyp, 1 adam qaza tapty. Elorda aýrýhanalarynda 23 adam emdelip jatqany habarlanǵan bolatyn. Osy oqıǵadan keıin qaza tapqan qyzdyń otbasyna kómek kórsetiletindigin aıtqan Nur-Sultan ákimi Altaı Kólginov Tótenshe jaǵdaılar departamenti men Polıtsııa departamentine qaladaǵy basqa da qoǵamdyq tamaqtaný nysandarynda órt qaýipsizdigi erejesiniń saqtalýyn tekserýdi tapsyrdy.





Al búgin qalalyq qoǵamdyq densaýlyq saqtaý basqarmasynyń baspasóz qyzmeti jarylysta kúıip qalǵan 3 adam jansaqtaý bóliminde jatqanyn habarlaǵan edi.








Joǵary qaraı