Aýa raıy
Astana 19 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Elordada jańa kóshe men saıabaq ashylady

2020 jyldyń 1 shilde 2020 05:55

NUR-SULTAN. QazAqparat - Infraqurylymdyq jobalardy júzege asyrýǵa qatysýshylardyń ortasha jalaqysy – 120 myń teńge, dep habarlaıdy ákimdiktiń resmı saıty.

«Jumyspen qamtýdyń jol kartasy» memlekettik baǵdarlamasyn iske qosý – elordada pandemııa kezinde jumyspen qamtýdy qamtamasyz etý sharalarynyń biri. Onyń maqsaty – jumyssyzdyqqa jol bermeý jáne qosymsha jumys oryndaryn qurý. Baǵdarlama aıasynda úsh iri ınfraqurylymdyq nysannyń qurylysy júrgizilýde.

Sonymen, № 49 mektepti kúrdeli jóndeý kezinde 98 jańa jumys ornyn ashý josparlanýda, onyń 55- i Halyqty jumyspen qamtý ortalyǵy arqyly.

Qazirgi ýaqytta jumyspen qamtý jol kartasy boıynsha naqty 28 adam jumysqa ornalastyryldy. Turan dańǵylynan Jıdeli (№37) kóshesine deıingi ýchaskede № 26 kósheni salý kezinde 189 jańa jumys ornyn ashý josparlanýda.

Jumyspen qamtýdyń jol kartasy baǵdarlamasy boıynsha HJQO arqyly 111 adam jumysqa ornalastyryldy. Qoshqarbaev dańǵylyndaǵy saıabaqty abattandyrýǵa 31 jumysshy shaqyryldy. Jumyspen qamtý jol kartasy baǵdarlamasy boıynsha 19 adam jumysqa ornalastyryldy.

«Pandemııa kezinde bul baǵdarlamaǵa Nur-Sultanda turaqty tirkeýde joq azamattar da qatysa alady. Bul protsesti jeńildetý úshin jasalady», – dep habarlady Halyqty jumyspen qamtý ortalyǵynyń baspasóz qyzmeti.

Memlekettik baǵdarlama maqsattarynyń biri – eldi mekenderdiń ınfraqurylymyn damytýǵa jaǵdaı jasaý.

Qatysý algorıtmi mynadaı: «Aldymen Nur-Sultan ákimdiginiń halyqty jumyspen qamtý ortalyǵyna call-ortalyq arqyly 8 717 257 88 88 nómirine habarlasý qajet. Sodan keıin jumys izdeýshiniń tilekterine súıene otyryp, ortalyq mamandary jobalarǵa laıyqty bos jumys oryndaryn tańdap, áńgimelesýge jiberedi. Baǵdarlamaǵa qatysý úshin qujattar tizimi – jeke kýálik, dıplom jáne eńbek kitapshasy (bar bolsa)», – dep túsindirdi ortalyq mamandary.

Nur-Sultan qalasynyń Jumyspen qamtý ortalyǵy óz kezeginde jumyssyzdardy jumysqa ornalastyrý monıtorıngin júzege asyrady, sondaı-aq jobalarda jańa jumys oryndarynyń qurylýyna jetekshilik etedi.

Baǵdarlamany iske asyrý jónindegi jedel shtab jumys isteıdi, onda jumys berýshi-merdigerlermen ózara is-qımyl jasaıtyn salalar boıynsha bólingen 12 joba ákimshisi bar.

Ákimshiler bastalǵan jumys sanyn, qurylǵan jumys oryndaryn jáne jumyspen qamtý ortalyǵy arqyly eńbekpen qamtylǵan jumyssyzdar sanyn baqylaıdy. Jumyspen qamtýdyń jol kartasy boıynsha eń kóp suralatyn bos oryndar – elektrık, dánekerleýshi, slesar, montajdaýshy, VSDE kategorııaly júrgizýshi.

«Infraqurylymdyq jobalardy iske asyrýǵa qatysýshylardyń ortasha jalaqysy 120 myń teńgeni quraıdy. Jumyspen qamtýdyń jol kartasy sharalaryn qarjylandyrýdyń jalpy lımıti jańa jumys oryndarynyń sanyna baılanysty anyqtalady», – deıdi mamandar.

Aıta ketý kerek, «Jumyspen qamtýdyń jol kartasy» memlekettik baǵdarlamasy aıasynda qazirgi ýaqytta 3137 adam jumyspen qamtylǵan. Nur Sultan qalalyq jumyspen qamtý ortalyǵy 7 628 adamdy jumyspen qamtýdy josparlap otyr. 101 uıymmen nıet hattamasy jasaldy. Elorda turǵyndary ár túrli salada iske qosylǵan 95 ınfraqurylymdyq joba boıynsha jumysqa tura alady

Basty sózder: Nur-Sultan, Qurylys,
Joǵary qaraı