Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada vaktsınatsııa pýnkteriniń biri jabylady

2021 jyldyń 28 qazan 2021 15:28

NUR-SULTAN. QazAqparat – Elordada «Han Shatyr» saýda, oıyn-saýyq ortalyǵyndaǵy koronavırýsqa qarsy azamattardy egý pýnkti jabylady. QazAqparat bul týraly qala ákimdigi saıtyna silteme jasap habarlaıdy.

Qoǵamdyq Densaýlyq saqtaý basqarmasynyń málimetinshe, vaktsınatsııa pýnkti óz qyzmetin osy jyldyń 1 qarashasynda aıaqtaıdy.

«Jazda adamdardyń kóptep kelýi kezeńinde egý pýnkterin qalanyń 11 saýda keshenine ornalastyrdyq. Bul oń nátıje berdi jáne biz vaktsınatsııamen halyqty barynsha qamtydyq. Qazirgi ýaqytta vaktsınalaýǵa jatatyn halyqtyń basym bóligi egilgendikten, saýda keshenderi bazasynda egý pýnkterin uıymdastyrýdyń asa qajettiligi joq. Biraq mundaı qajettilik paıda bolǵan kezde biz árqashan pýnkterdi qaıtadan ashýǵa daıynbyz», - dedi qalalyq Densaýlyq saqtaý basqarmasynda.

Aqparatqa sáıkes, elordada búginge deıin saýda, oıyn-saýyq ortalyqtarynda, saýda úıleri janyndaǵy vaktsınalaý aımaqtarynda 100 myńnan astam adam egildi.

Qalada ázirge 5 saýda núktesinde egý pýnkteri jumys istep tur - «Han Shatyr» SOO (1 qarashaǵa deıin), «Kerýen», «Abý Dabı Plaza», «Azııa Park» jáne «Evrazııa» saýda úıi.

Jalpy astanada vaktsınanyń birinshi komponentin 444 myńnan astam azamat aldy, 410 myńnan astam adam tolyq ımmýndaýdan ótti.


Joǵary qaraı