Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada uıymdasqan qylmystyq toptan 37 keli gashısh tárkilendi

2021 jyldyń 6 jeltoqsan 2021 16:16

NUR-SULTAN. QazAqparat - Elordada 37 keli gashısh tárkilendi, dep habarlaıdy QazAqparat Polisia.kz saıtyna silteme jasap.

Nur-Sultan qalasynyń Esirtki qylmysyna qarsy is-qımyl basqarmasy gashısh satýmen aınalysyp kelgen qylmystyq topty áshkerledi. Esirtki eldiń ońtústik óńirinen ákelingen.

Arnaıy operatsııa júrgizý barysynda gashıshty ótkizý ústinde qylmystyq topty uıymdastyrýshylardyń biri ustaldy. Onyń kóligin tintý kezinde 8 keli 700 gramm gashısh alyndy.

Keıinnen esirtkiniń iri partııalaryn jetkizýmen aınalysatyn toptyń taǵy eki múshesi anyqtaldy. Olardyń bireýiniń páterindegi balkonnan bir keli gashısh, elektrondy tarazy jáne esirtkini bólip salýǵa arnalǵan basqa da jaraqtar tabyldy.

Tintý kezinde úshinshi fıgýrant – qylmystyq top basshysynyń kóliginen 26 keliden astam esirtki anyqtaldy.

«Odan ári, jedel áreketter kezinde polıtseıler jerlestik qaǵıdaty boıynsha ózara baılanysty esirtki saýdasymen aınalysatyn 5 qylmyskerdi anyqtady.

Onyń ishinde úsheýi – esirtki jetkizýshiler. Olar ońtústik óńirden gashıshti jetkizip, senimdi adamdar arqyly elordada ótkizip otyrǵan.

Tikeleı satýmen aınalysatyn toptyń 2 múshesinen shamamen 200 gramm gashısh tabyldy.

Sonymen qatar, ustalǵandardyń eki kóligi men uıaly telefondary tárkilendi.

Tárkilengen esirtkiniń jalpy salmaǵy 37 kelini qurady», - delingen polıtsııa málimetinde.

ІІM Esirtki qylmysyna qarsy is-qımyl departamentiniń bastyǵy Erlan Omarbekov túsindirgendeı, bul operatsııa qala prokýratýrasynyń úılestirýimen ІІM arnaıy bólimshesiniń kúshterin jumyldyrý arqyly júrgizildi.

«Qylmystyq toptyń barlyq qatysýshylary qamaýǵa alyndy. Olarǵa qatysty asa iri kólemde esirtkini ótkizý, saqtaý jáne tasymaldaý faktisi boıynsha qylmystyq is qozǵaldy. Gashıshtiń mundaı kóleminiń zańsyz aınalymy asa aýyr qylmystarǵa jatady jáne múlkin tárkileı otyryp, 15 jyldan ómir boıyna deıin bas bostandyǵynan aıyrýǵa jazalanady», - dep naqtylady polıtseıler.


Joǵary qaraı