Aýa raıy
Astana 15 °S
Almaty 20 °S
valıýta baǵamy
USD 421.58
EUR 496.83
RUB 5.53
CNY 62.20

Elordada túngi klýb ákimshisi qamaýǵa alyndy

2020 jyldyń 27 qyrkúıek 2020 18:42

NUR-SULTAN. QazAqparat - Elordada túngi klýbtyń ákimshisi karantındi birneshe ret buzǵany úshin qamaýǵa alyndy, dep habarlaıdy QazAqparat Polisia.kz-ke silteme jasap.

Túngi saǵat 1: 35-te ákimshilik ýchaskeni aınalyp ótý kezinde Nur-Sultan qalalyq Polıtsııa departamentiniń jergilikti polıtsııa qyzmeti qyzmetkerleri «Alanııa» túngi klýbynda karantınniń buzylǵanyn anyqtady. Polıtsııa qyzmetkerleri túngi klýbqa kirgen kezde qazirgi kezdegi tyıymǵa qaramastan 30-ǵa jýyq jas kóńil kóterip júrgen.



Buǵan deıin 25 jastaǵy túngi klýb ákimshisine birneshe ret eskertý jasalyp, QR Ákimshilik quqyq buzýshylyq týraly Kodeks boıynsha ákimshilik jaýapkershilikke tartylǵan, biraq ol mekeme qyzmetin jalǵastyra bergen. Atalǵan fakt boıynsha túngi klýb ákimshisine qatysty ákimshilik materıal qozǵalyp, ol Nur-Sultan qalasynyń mamandandyrylǵan aýdanaralyq ákimshilik sotynda qaralyp, kináli dep tanyldy jáne bir táýlikke qamaýǵa alyndy. Erejeni qaıtalap buzǵany úshin jınalǵan materıal «Almaty» aýdany boıynsha taýarlar men qyzmetterdiń sapasy men qaýipsizdigin baqylaý departamentine jaýapkershilikke tartý úshin jiberildi.

Nur-Sultan qalalyq Polıtsııa departamenti azamattarǵa oıyn-saýyq oryndarynda bolý kezinde ınfektsııa qaýpi joǵary ekenin eskertedi. Sonymen qatar, karantın sharalaryn buzýshylar qoldanystaǵy zańnamaǵa sáıkes jaýapqa tartylady.


Joǵary qaraı