Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada túnde istegen kompıýter klýbynda 70-ten astam adam bolǵan

2021 jyldyń 21 qańtar 2021 16:29

NUR-SULTAN. QazAqparat –Quramynda polıtsııa, ákimdik, Taýarlar men qyzmetterdiń sapasy men qaýipsizdigin baqylaý basqarmasynyń ókilderi bar mobıldi top karantın rejımin saqtamaý faktisin anyqtaý úshin jumys istep jatyr, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

Ótken túnde mobıldi top 150-ge jýyq kásipkerlik sýbektilerindegi karantın sharalarynyń saqtalýyn tekserdi. Tekserý barysynda karantın talaptaryn buzǵan 14 nysan anyqtaldy.

Máselen, Túrkistan kóshesindegi «Opus One» restobary saǵat 20.00-den keıin jumys isteýge tyıym salynǵanyna qaramastan, jumysyn jalǵastyryp, klıent qabyldaǵan.

Saǵat 00: 33-te Qabanbaı batyr dańǵyly boıynda ornalasqan «Strong» kompıýter klýby karantın sharalary men áleýmettik qashyqty saqtamaı, mekemege jelilik oıyndy oınaýdy unatatyn 70-ten astam klıentti kirgizip, adamdardyń ómiri men densaýlyǵyna qaýip tóndirgen.

Barlyq tártip buzýshylarǵa qatysty jınalǵan materıal ákimshilik is qozǵaý úshin Taýarlar men qyzmetterdiń sapasy men qaýipsizdigin baqylaý basqarmasyna jiberildi.


Basty sózder: Nur-Sultan, Karantın,
Joǵary qaraı