Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada tájik aqyny Ábý Abdalla Rýdakıge eskertkish ornatyldy

2021 jyldyń 24 qyrkúıek 2021 14:29

NUR-SULTAN. QazAqparat - Senat Tóraǵasy Máýlen Áshimbaev pen Qazaqstanǵa resmı saparmen kelgen Tájikstan Olı Majlısi Mıllı Majlısiniń tóraǵasy Rýstamı Emomalı aqyn, tájik jáne parsy klassıkalyq ádebıetiniń negizin qalaýshy Ábý Abdallah Rýdakıdiń eskertkishin ashý rásimine qatysty, dep habarlaıdy QazAqparat.

Eskertkishtiń ashylý saltanatynda sóz sóılegen Máýlen Áshimbaev bul shara Qazaqstan astanasynyń mádenı ómirindegi mańyzdy oqıǵa bolyp otyrǵanyn jáne Qazaqstan-tájik yntymaqtastyǵynyń damý tarıhyna enetinin atap ótti.

«Qazaqstanda uly aqyn Ábý Abdalla Rýdakıdiń shyǵarmashylyq murasyn joǵary baǵalaıdy. Onyń poezııasy álemdik mádenıettiń qazynasyna endi. Omar Haııam, Nızamı, Fırdoýsı, Djámı jáne Rýmı sııaqty Shyǵystyń kórnekti aqyndary men jazýshylary Rýdakıdiń shyǵarmashylyǵynnan ósip shyqty. Búgin biz onyń aty berilgen kóshede tájik jáne parsy klassıkalyq ádebıetiniń negizin qalaýshy Abý Abdallah Rýdakıge eskertkish ashamyz. Dýshanbede qazaqtyń uly oıshyly Abaı atyndaǵy kóshe bar ekenin bilemiz. Ekijaqty qarym-qatynastarda mádenı-rýhanı baılanystar árdaıym berik kópir jáne irgetas bolyp qala beredi. Kórnekti tulǵalarymyzdyń estelikterin qurmetteý bizdi qýantady», - dedi Senat Tóraǵasy.

Senat baspasóz qyzmetiniń málimetinshe, osy kúni eki el parlamentteri palatalarynyń tóraǵalary Qazaqstan Respýblıkasyndaǵy Tájikstan Respýblıkasynyń jańa Elshiliginiń qurylys ornyna alǵashqy tas qalaýdyń saltanatty rásimine qatysty.





Joǵary qaraı