Aýa raıy
Astana -7 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Elordada taǵy 5 myń aqyly avtoturaq ashylady

2020 jyldyń 21 qazan 2020 11:59

NUR-SULTAN. QazAqparat - Elordanyń aqyly kólik turaqtary qala bıýdjetin 500 mln teńgege tolyqtyrdy, dep habarlaıdy QazAqparat tilshisi.

«Astananyń avtoturaq keńistigi» JShS málimetinshe, aqyly turaqtardyń tikeleı qyzmetiniń arqasyn qala bıýdjetinne jalpy somasy 21,7 mln teńge tústi. Sonymen qatar fotobeınetirkeýdiń mamandandyrylǵan mobıldi keshenderi 200 myńnan asa buzýshylyqtardy tirkegen. Nátıjesinde qala bıýdjetine qosymsha 500 mln teńge túsip otyr. Osy jyldyń 9 aıynda ǵana turaq erejesin buzǵany úshin 11 myń is Nur-Sultan qalalyq PD Ákimshilik polıtsııa basqarmasyna jiberilgen. Jalpy, tólemder men aıyppul qarajaty elordanyń jol-kólik ınfraqurylymyn damytý boıynsha úshin qala bıýdjetine túsedi.

«Qazirgi sátte Nurjol býlvarynda 487 turaq orny tolyq jumys isteýde. Esil, Saryarqa, Almaty, Baıqońyr aýdandarynda 5 myń turaq orny iske qosylýǵa daıyn. Olardy iske qosý merzimi qala ákimdigine baılanysty. Atalǵan turaq aımaqtaryn iske qosqan kezde qaladaǵy olardyń sany 10 ese artady», - dep atap ótedi kompanııadan.

Aqyly turaq aımaqtaryn fotobeınetirkeýmen aınalysatyn mamandandyrylǵan mobıldi keshender baqylaıdy. Turaqtardaǵy ereje buzýshylyq faktileri ákimshilik polıtsııaǵa jiberiledi. Tólenbegen turaq úshin aıyppul 3 aılyq eseptik kórsetkishti quraıdy. Demalys, merekelik kúnderi, sonymen qatar saǵat 20:00-den keıin turaq tegin.


Avtor Marlan Jıembaı
Basty sózder: Nur-Sultan, Qoǵam,
Joǵary qaraı