Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Elordada sýǵa batyp bara jatqan bala qutqaryldy

2020 jyldyń 12 shilde 2020 22:28

NUR-SULTAN. QazAqparat – Astanalyq qutqarýshylar sýǵa batyp bara jatqan balany aman alyp qaldy. QazAqparat bul týraly qalalyq Tótenshe jaǵdaılar departamentine silteme jasap habarlaıdy.

«Búgin Qyzylsýat kentiniń aýmaǵyndaǵy Qarasý ózeninde kezekshilikti atqarý barysynda Nur-Sultan qalalyq Tótenshe jaǵdaılar departamentiniń qutqarýshylary jaǵalaýda er adam men eki balany baıqaǵan. Bul jerde shomylýǵa zańdy túrde ruqsat etilmegeni, onyń ústine sýǵa kiretin jeri tik ári tereń bolǵandyqtan, óte qaýipti ekeni er adamǵa eskertilgen. Sondaı-aq qaıǵyly oqıǵany boldyrmas úshin ol jerden ketý qajettigi aıtyldy. Ókinishke qaraı, ol qutqarýshylardyń eskertpesine qulaq aspaǵan», - dedi TJD-dan.

Málim etilgendeı, er adam bir balany qolyna kóterip, ekinshisin janyna ertip, sýǵa kirgen. Bir mezette 11 jastaǵy bala shuńqyrǵa túsip ketip, bata bastaǵan.

«Elordanyń shuǵyl-qutqarý jasaǵynyń qutqarýshylary Arman Qultaev pen Jalǵas Danaı batyp bara jatqan balany kórip, sýǵa sekirgen. Olar balany aman alyp qaldy. Uldyń densaýlyǵy qanaǵattanarlyq, medıtsınalyq kómekti qajet etpeıdi», - dedi vedomstvodan.





Nur-Sultan qalasynyń Tótenshe jaǵdaılar departamenti eskertedi:

1. Sýǵa túsýge arnalmaǵan jáne tyıym salynǵan jerlerde shomylmańyz.

2. Sý aıdynynda balalardy qaraýsyz qaldyrmańyz. Bul, olardyń ómiri úshin qaýipti!

3. Alkogoldi mas kúıde sýǵa túspeńiz.

4. Shaǵyn kólemdi qaıyqtarǵa mingende qutqarý keýdeshesin qıińiz.

5. Ózińiz ben jaqyndaryńyzdy qaýipke ushyratpańyz!

6. Sýda qaýipsizdik erejelerin saqtańyz!


Joǵary qaraı