Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada «Spýtnık Laıt» preparatymen revaktsınalaý bastaldy

2022 jyldyń 24 qańtar 2022 09:20

NUR-SULTAN. QazAqparat - Elordada «Spýtnık Laıt» preparatymen revaktsınalaý bastaldy, dep habarlaıdy QazAqparat qala ákimdigine silteme jasap.


Osydan birer kún buryn preparattyń 10 myń dozasy bas qalaǵa jetkizilgen bolatyn. Ol turǵyndar sany eskerile otyryp, vaktsınatsııa pýnkterine bólindi.

Jeksenbi kúni №2 qalalyq emhanada mádenıet mekemeleriniń 50-ge jýyq qyzmetkeri revaktsınalaýdan ótti. Jalpy, qaladaǵy Mádenıet basqarmasyna qarasty barlyq mekeme qyzmetkerleri búginde 100 paıyz vaktsına alǵan. Aldaǵy ýaqytta barlyǵy revaktsınalaýdan tolyq ótpek.
«Bizde ujymda vaktsına 100 paıyz alyndy. Densaýlyǵyna baılanysty dáriger ruqsat etpegender bar. Biraq basqalary túgel aldyq. Karantın sharalary mindetti túrde saqtalady. Biz óner adamdary bolǵannan keıin halyqpen kóp aralasyp, el jınalatyn jerde júretindikten, óz densaýlyǵymyzǵa mindetti túrde mán berýimiz kerek», – dedi Nur-Sultan qalasy ákimdiginiń Memlekettik akademııalyq fılarmonııasy dırektorynyń orynbasary Oljas Sydyqbek.
Teatr dırektory Aıbolat Jaýdyr da búgin qaıta egý naýqanyna keldi. Onyń aıtýynsha, osyǵan deıin ekpeniń eki komponentin alǵanda koronavırýspen aýyrmaǵan.
«Óner adamdary barsha halyqty vaktsına alýǵa jáne revaktsınalaýdan ótýge shaqyramyz. Sebebi ujymdyq ımmýnıtetti qalyptastyrmaı koronavırýsty jeńe almaımyz. Bir ortaǵa barý úshin de ol jerdegi adamdardyń qaýipsizdigi úshin ózimiz de vaktsına alýymyz kerek», – dedi M.Gorkıı atyndaǵy Memlekettik orys drama teatrynyń dırektory Aıbolat Jaýdyr.
Búgin dál osy emhanada 50-ge jýyq adam qaıta ekpe saldyrdy. Mamandardyń aıtýy boıynsha, halyqtyń belsendiligin áli de arttyrý qajet. Sol sebepti dertten saqtanýdyń jalǵyz joly vaktsına bolyp turǵandyqtan, el aldynda júrgen belgili adamdardy úlgi etý arqyly osyndaı shara uıymdastyryldy.
Jalpy, Nur-Sultan qalasy Mádenıet basqarmasyna qarasty 12 mekeme bar. Onda 1900 qyzmetker jumys isteıdi.


Basty sózder: Medıtsına, Koronavırýs,
Joǵary qaraı