Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada «Sergek» kameralary 800 myńnan astam ereje buzý faktilerin tirkedi

2021 jyldyń 23 qyrkúıek 2021 15:55

NUR-SULTAN. QazAqparat – Elordada ornatylǵan «Sergek» kameralary 800 myńnan astam ereje buzý faktilerin tirkedi. Bul týraly elordalyq Polıtsııa departamenti ákimshilik polıtsııa basqarmasynyń basshysy Eljan Shópekov aıtyp berdi, dep habarlaıdy QazAqparat tilshisi.

«Apta saıyn saptyq bólimsheler men ýchaskelik ınspektorlar «jaıaý júrginshi» jedel-aldyn alý sharasyn júrgizedi, ásirese apat bolý qaýpi joǵary oryndarda jıi júrgiziledi. Máselen, jyl basynan beri 14 myńnan astam jaıaý júrginshi tartyldy, bul ótken jyldyń kórsetkishinen eki esege artyq. Barlyq qabyldanǵan sharalarǵa qaramastan, jaıaý júrginshilerdiń tártibine qatysty máseleler sheshilmeı keledi. Ereje buzýshylarmen profılaktıkalyq jumys negizinen tirkeý kameralarynyń kómegimen júrgiziledi», - dedi Eljan Shópekov PD brıfınginde.

Onyń aıtýynsha, qala boıynsha 6 myńnan astam «Sergek» kamerasy ornatylǵan.

«Bul kameralar 800 myńnan astam ereje buzý faktilerin tirkedi, mysaly jyldamdyq rejımin buzý – 406 myń, belgilerdiń talaptaryn elemeý – 384 myń, baǵdarshamnyń tyıym salatyn sıgnalyna ótý boıynsha – 914 oqıǵa anyqtalǵan. «Kórkem telekom» kompanııasy «júk kóliginiń jol júrý bóliginde ornalasýy» buzýshylyǵyn anyqtaý úshin jańa qosymsha fýnktsııa ázirledi jáne engizdi. Ózderińiz biletindeı, júk kóligin úshinshi jolaqta júrgizýge bolmaıdy. Jol qozǵalysynyń qaýipsizdigine áser etetin negizgi faktor elordanyń kóshe-jol jelisiniń jaı-kúıi men damýy bolyp qala beredi», - dep atap ótti spıker.

Sonymen birge, spıker jańa oqý jyly qarsańynda qalalyq Polıtsııa departamenti jalpy bilim beretin jáne mektepke deıingi oqý oryndaryna jaqyn kóshe-jol jelisine qosymsha tekserý júrgizilgenin atap ótti. Bul tekserýmen 94 mektep, 100 mektepke deıingi mekeme jáne 11 qosymsha bilim berý mekemesi ótetin avtojol ýchaskeleri qamtylǵan. Tekserý nátıjesi boıynsha ákimdiktiń quzyretti memlekettik mekemelerine 152 uıǵarym berilgen.


Avtor Aıjan Serikjanqyzy
Basty sózder: Kólik, Nur-Sultan,
Joǵary qaraı