Aýa raıy
Astana -14 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Elordada saýda, oıyn-saýyq ortalyqtary senbide qandaı talappen jumys isteıdi

2020 jyldyń 27 qarasha 2020 22:55

NUR-SULTAN. QazAqparat - Elordada saýda, oıyn-saýyq ortalyqtary men men saýda úıleriniń senbi kúnderi jumysqa daıyndyǵy tekserildi, dep habarlaıdy QazAqparat.

Investıtsııalar jáne kásipkerlikti damytý basqarmasy, aýdan ákimdikteri men Sanıtarlyq-epıdemıologııalyq qadaǵalaý departamenti ókilderi birqatar iri saýda nysandarynda - «Jannur» saýda úıinde, «Ásem» bazarynda, «Kerýen», «Azııa Park» saýda, oıyn-saýyq ortalyqtarynda jáne taǵy basqalarynda monıtorıng júrgizdi.

«Monıtorıng kórsetkendeı, barlyq nysandar senbi kúni jumys isteýge daıyn, olar bas sanıtarlyq dárigerdiń barlyq qajetti talaptaryn oryndaǵan», - dedi Investıtsııalar jáne kásipkerlikti damytý basqarmasy basshysy Rýslan Ydyrysov.

Esterińizge sala keteıik, jańa qaýlyǵa sáıkes, elordadaǵy saýda úıleri, saýda, oıyn-saýyq ortalyqtary senbide saǵat 09:00-den 20:00-ge deıin jumys isteıtin bolady. Jeksenbi kúndergi jumysyna engizilgen tyıym saqtalady. Kelýshiler maska taǵýy, áleýmettik qashyqtyqty saqtaýy, termometrııadan ótip, antıseptıkter men sanıtaızer qoldanýǵa mindetti.

«Eger mobıldi toptar saýda, oıyn-saýyq ortalyqtarynda shekteý sharalary men karantın talaptary buzylǵanyn anyqtasa, onda ruqsat alynyp tastalady jáne olar senbide jumys istemeıdi. Kelýshiler maska taǵýy kerek, termometrııa qajet, zaldarda – antıseptıkter, sanıtaızerler bolýy tıis. Ár býtıkte qashyqtyq saqtalýy, ár adamǵa tórt sharshy metr bólinýi kerek. Kelýshiler sany 30% aspaýy qajet», - dedi Baıqońyr aýdandyq taýarlar men kórsetiletin qyzmetter sapasy men qaýipsizdigin baqylaý basqarmasy basshysynyń orynbasary Saltanat Iklasova.

Saýda oryndarynda ornalasqan sulýlyq salondaryna, atelelerge, hımııalyq tazartý oryndaryna, shashtarazdarǵa, aıaq kıim jóndeý sheberhanalaryna jańa keste engizildi. Atalǵan kásipkerlik sýbektileri barlyq sanıtarlyq erejelerdi qatań saqtaı otyryp, senbi men jeksenbi kúnderi 09:00-den 20:00-ge deıin jumys isteı alady.


Basty sózder: Koronavırýs, Karantın, Nur-Sultan,
Joǵary qaraı