Aýa raıy
Astana -8 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Elordada ruqsat etilmegen jerden ótken 200-den astam jaıaý júrginshige aıyppul salyndy

2020 jyldyń 22 qarasha 2020 00:22

NUR-SULTAN. QazAqparat - Elordada «Qaýipsiz jol» respýblıkalyq jedel-profılaktıkalyq is-sharasy ótip jatyr. Bul týraly QazAqparat Nur-Sultan qalalyq Polıtsııa departamentiniń baspasóz qyzmetine silteme jasap habarlaıdy.

Jedel-profılaktıkalyq is-sharasynyń eki kúninde polıtsııa 1,5 myńǵa jýyq jol erejesin buzý áreketin anyqtady, onyń 23-in qoǵamdyq kólik júrgizýshileri jasaǵan. Kólik quralyn júrgizýshi kýáliginsiz basqarǵan 118-den astam avtokólik júrgizýshisi ustalsa, onyń altaýy buryn kólik júrgizý quqyǵynan aıyrylǵandar. Sonymen qatar, ruqsat etilmegen jerden joldy kesip ótken 200-den astam jaıaý júrginshige aıyppul salyndy. Eki kún ishinde 10 júrgizýshi alkogoldik masań kúıde ustaldy. Kommýnaldyq tegin avtoturaqqa 50-den astam kólik ornalastyryldy.

Sondaı-aq elordada Volkswagen Passat avtokóliginiń júrgizýshisi jalǵan memlekettik nómirmen júrgeni úshin ustaldy. Memlekettik tirkeý belgisi tizilimnen 2012 jyly alynyp tastalǵany anyqtaldy. Ustalǵan júrgizýshiniń aıtýynsha, ol 2020 jyldyń qazan aıynan bastap jalǵan nómirlermen kólik júrgizgen. 29 jastaǵy júrgizýshige qatysty, ÁQBtK-niń 590-baby, 4-bóligi boıynsha standart talaptaryna sáıkes kelmeıtin nómirlik belgileri bar avtokólikti basqarǵany úshin ákimshilik is qozǵaldy. Materıal protsessýaldyq sheshim qabyldaý úshin Nur-Sultan qalasynyń mamandandyrylǵan ákimshilik sotyna jiberildi. Avtokólik kommýnaldyq turaqqa ornalastyryldy.

«Úsh kún ishinde polıtsııa jol erejesin óreskel buzý áreketin anyqtap, jolyn kesýde. «Qaýipsiz jol» jedel-profılaktıkalyq is-sharasy kezinde jol-kólik oqıǵalarynyń aldyn alý boıynsha profılaktıkalyq jáne túsindirý jumystary júrgizilýde», - delingen qalalyq Polıtsııa departamentiniń baspasóz habarlamasynda.

Avtor Zarına Qaharman
Basty sózder: Kólik, Jol, Nur-Sultan,
Joǵary qaraı