Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada «pysyq» jasóspirim ózgeniń kóligin satyp jibergen

2022 jyldyń 18 qańtar 2022 16:05

NUR-SULTAN. QazAqparat – Elordada ózgeniń kóligin satyp jibergen «pysyq» jasóspirim ustaldy. Bul týraly Nur-Sultan qalasynyń komendatýrasynan málim etti, dep habarlaıdy QazAqparat tilshisi.

«Polıtsııaǵa elorda turǵyny júginip, Beıbitshilik kóshesi boıyndaǵy úıdiń aýlasynda buzylyp turǵan «Lada Prıora» markaly kóligin tún ishinde belgisiz bireýdiń urlap ketkeni týraly shaǵymdandy.

Tergeý barysynda kólik ıesi otaldyrý kiltin mashına ishinde qaldyryp, esigin uzaq ýaqyt jappaǵany anyqtaldy. Bul jaıtty 17 jastaǵy jasóspirim paıdalanǵan. Jasóspirim ózin kólik ıesimin dep tanystyryp, tanysyna mashınany azyn-aýlaq somaǵa satyp alýdy usynǵan. Satyp alýshy kólikti súıretip áketken», - delingen komendantýranyń baspasóz qyzmeti taratqan aqparatta.

Vedomstvo málimetinshe, atalǵan fakti boıynsha sotqa deıingi tergeý júrgizilip jatyr. Kúdikti jasóspirimder isi jónindegi polıtsııa qyzmetkerleriniń aıryqsha baqylaýyna alyndy.

«Onyń is-áreketi Jasóspirimder isi jáne olardyń quqyqtaryn qorǵaý jónindegi komıssııa otyrysynda qaralyp, onda áýmeserlik minez-qulqy bar balalarǵa arnalǵan arnaýly mektepke jiberý sheshimi qabyldandy. Sońǵy sheshimdi sot qabyldaıtyn bolady», - dep atap ótedi vedomstvodan.


Joǵary qaraı