Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Pfizer ekpesin qansha adam aldy

2021 jyldyń 6 jeltoqsan 2021 22:56

NUR-SULTAN. QazAqparat - Elordada Pfizer preparatymen vaktsınatsııalaýǵa jatatyn kontıngenttiń 8,6 myńnan astamy egildi. Vaktsınatsııadan ótkender arasynda birinshi orynda jasóspirimder – 12 jastan asqan 5 900-ge jýyq bala tur, dep habarlaıdy Nur-Sultan ákimdiginiń resmı saıty.

Qalalyq qoǵamdyq densaýlyq saqtaý basqarmasy oqýshylardyń medıtsınalyq uıymdarda da, bilim berý mekemeleriniń medıtsınalyq pýnktterinde de belsendi vaktsınatsııalanatynyn habarlady.

Odan keıin emizetin analar – 2 500-den astam, al júkti áıelder – 191 adam.

Vaktsınatsııalanǵandardyń ózderi atap ótkendeı, vaktsına jeńil ári eshqandaı asqynýsyz ótip jatyr.

«Shynymdy aıtsam, vaktsınatsııadan keıin ózimdi qalaı sezinetinim týraly kóbirek ýaıymdadym. Pfizer jeńil jáne odan keıin «janama» kúshti emes ekenin estigenmin. Biraq ár adamnyń aǵzasy óz jolymen qabyldaıdy. Ala meniń bosqa alańdappyn. Vaktsınatsııadan 6 kún ótti, ózimdi jaqsy sezinemin», - deıdi bir jarym jasar balanyń anasy Azıza Anýarbekova.

Oqýshylar arasynda vaktsınatsııanyń joǵary qarqyny baıqalǵandyqtan, jasóspirimder Pfizer-ge qalaı qaraıtyndyǵyn jáne olardyń vaktsınatsııany qalaı alýǵa bolatyndyǵy týraly óz oıymen bólisti.

«Pandemııa bastalǵan kezde biz jasóspirimder eresekter sııaqty jetkilikti deńgeıde qorǵalmadyq. Olar vaktsına alǵan soń esh qıyndyqsyz jumysyna bara aldy. Al biz sabaǵymyzǵa tolyq qatysa almadyq, sektsııalarǵa nemese jattyǵýlarǵa bara almadyq, óıtkeni barlyq jerde juqtyrý qaýpi boldy. Bul meni qatty alańdatty. Men ózimniń qorǵalǵanyma senimdi bolǵym keldi. Ata-anam da osyndaı pikirde, sondyqtan uzaq oılanbastan anam ekeýmiz emhanaǵa baryp, birden vaktsınatsııalandyq. Ózimdi ádettegideı sezinemin», - deıdi kolledjdiń 16 jastaǵy stýdenti Batyrhan Janasylov.

Jalpy qala boıynsha KVI-ǵa qarsy vaktsınanyń birinshi komponentin 475 myńǵa jýyq azamat aldy, al 434 myńǵa jýyq turǵyn ımmýndaýdyń tolyq kýrsynan ótti.

Sondaı-aq, elordada komponentter arasyndaǵy ıntervalǵa sáıkes azamattardyń revaktsınatsııasy jalǵasýda. Osylaısha, qalada 1600-den astam adam qaıta egildi.


Basty sózder: Nur-Sultan, Vaktsına, Koronavırýs,
Joǵary qaraı