Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada ótýi tıis, bıýdjeti 80 mln teńgeni quraıtyn boks keshi synǵa alyndy

2021 jyldyń 4 qarasha 2021 13:37

NUR-SULTAN. QazAqparat – Elordanyń qalalyq máslıhat janyndaǵy qoǵamdyq keńes otyrysynda memleket qazynasy esebinen ótetin boks keshine qatysty syn aıtyldy, dep habarlaıdy QazAqparat tilshisi.

«Elordada ótetin 50 mln teńgeniń boks keshi týraly. Kásibı boks keshi ótedi eken. Kirý de aqyly shyǵar. Suraıyn degenim oǵan nege bıýdjetten aqsha bólinýi tıis?», - dedi qoǵamdyq keńes múshesi Nurdáýlet Orazhanov.

Óz kezeginde Nur-Sultan qalasynyń Dene shynyqtyrý jáne sport basqarmasynyń bólim basshysy Gúlnaz Orazalına boks keshine qatysty túsinik berdi.

«Boks keshi boıynsha aldyn ala 120 mln teńgege ótinish berilgen. Qazirgi ýaqytta ol bıýdjet 80 mln teńgege deıin qysqartyldy. Elordada sporttyq is-sharalardyń jetispeýshiligi baıqalady. Atalǵan boks keshi sportqa degen qyzyǵýshylyqty arttyra túsý maqsatynda ótkeli otyr. Sonymen qatar atalǵan sport túrin balalar men jasóspirimder arasynda nasıhattaý mindeti de bar. Sondyqtan osyndaı úlken sporttyq shara úshin bólinetin soma kóp dep aıta almaımyz», - dep jaýap berdi Gúlnaz Orazalına.

Buǵan deıin habarlaǵanymyzdaı, elordanyń «Nurly jol» vokzaly mańynda jańa kópir salynbaq.


Avtor Álı Ibraev
Basty sózder: Qarjy, Bıýdjet, Sport, Nur-Sultan,
Joǵary qaraı