Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada ótken jyly 7 mln-nan astam memlekettik qyzmet kórsetildi - ákimdik

2021 jyldyń 23 qańtar 2021 09:00

NUR-SULTAN. QazAqparat - Nur-Sultanda ótken jylǵy tsıfrlandyrý baǵytyndaǵy jumystaryń nátıjeleri belgili boldy, dep habarlaıdy QazAqparat elorda ákimdiginiń baspasóz qyzmetine silteme jasap.

2020 jyly elordany «Aqyldy qalaǵa» aınaldyrýǵa baǵyttalǵan jobalardy iske asyrý boıynsha úlken jumys atqaryldy. Máselen, ótken jyly memlekettik qyzmet 100% onlaın formatqa aýystyryldy, al «iQala» ortalyǵy táýlik boıǵy rejımde 151 qyzmetti tikeleı usynady. Qazirgi ýaqytta qala ákimdigi 159 túrli memlekettik qyzmet kórsetedi. 2020 jyly 7 mln-ǵa jýyq qyzmet kórsetildi, onyń ishinde 6 mln-nan astamy — elektrondyq formatta.

Sondaı-aq, ákimniń tapsyrmasyna sáıkes elorda ákimdigi janynan tsıfrlandyrý boıynsha IT-keńes quryldy, onyń aıasynda halyqtyń tynys-tirshiligin jaqsartý úshin IT-sheshimder engizildi.

Qala turǵyndarynyń qaýipsizdigi maqsatynda 2020 jyly «Qaýipsiz qala» ilki jobasy iske qosyldy. Búginde bul joba iske asyrylý satysynda tur.

Aıta ketý kerek, 2020 jyldyń negizgi nátıjeleriniń biri — Nur-Sultannyń zııatkerlik kólik júıesi IDC halyqaralyq kompanııasynyń nusqasy boıynsha Eýropa, TMD jáne Ortalyq Azııa elderi arasynda kóshbasshy boldy.


2021 jylǵa qalany tsıfrlyq jańǵyrtý boıynsha birqatar strategııalyq mindet belgilendi.

1. Ákimdiktiń IT-arhıtektýrasyn ázirleý. Sáýlet tsıfrlyq transformatsııany júrgizý jáne ákimdik qyzmeti úshin memlekettik organdy aqparattandyrýdyń aǵymdaǵy jáne josparlanatyn jaı-kúıiniń sıpattamasyn qamtıtyn bolady.

2. Turǵynnyń biryńǵaı kartasy jobasyn iske asyrý áleýmettik salaǵa baǵyttalǵan bıýdjet qarajatyn jumsaýdyń tıimdiligin arttyrýǵa múmkindik beredi. Mysaly, jeńildikter alýshy kólik, dárihanalar, dúkender, TKSh, mektepter, balabaqshalar sanattary boıynsha belgili bir qyzmetterge aqy tóleı alady. Sondaı-aq memlekettik qyzmetterdiń sapasyn arttyrý, ártúrli basqarý organdarynyń avtomattandyrylǵan júıeleriniń ıntegratsııasy men ózara is-qımylyn qamtamasyz etý.

3. Aqparattyq qaýipsizdiktiń jedel ortalyǵy. Nur-Sultan qalasy ákimdiginiń elektrondyq aqparat resýrstaryn, aqparattyq júıelerin, telekommýnıkatsııa jelilerin jáne basqa da aqparattandyrý obektilerin qorǵaý jónindegi qyzmetti júzege asyratyn bolady.

4. «Aqyldy shlagbaým» jobasyn damytý.
2020 jyly birneshe ilki joba iske qosyldy, olardyń biri – «Aqyldy shlagbaým». Arnaıy júıe táýliktiń kez kelgen ýaqytynda jedel járdem jáne basqa da jedel áreket etý qyzmetteri úshin shlagbaýmdardyń avtomatty túrde ashylýyn qamtamasyz etedi. Bıyl osy baǵyt boıynsha jumystar jalǵasady.


Basty sózder: Tsıfrlyq Qazaqstan, Nur-Sultan,
Joǵary qaraı