Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada muz aıdyndaryndaǵy adam qaýipsizdigin arnaıy patrýl kúzetedi

2021 jyldyń 24 qarasha 2021 17:22

NUR-SULTAN. QazAqparat – Elordalyqtarǵa qys mezgiliniń túsýine baılanysty muz aıdyndarynda qaýipsizdik erejesin qatań saqtaý kerektigi taǵy bir eskerildi, dep habarlaıdy QazAqparat tilshisi.

«Muz qatý kezinde sý aıdyndaryndaǵy adam qaýipsizdigin qamtamasyz etý maqsatynda bizdiń departamenttiń qyzmetkerleri kún saıyn asa qaýipti ýchaskelerdi kúzetedi. Onyń qatarynda qala aýmaǵy men mańyndaǵy ózen men kólshikter. Sondaı-aq, adam jıi shoǵyrlanatyn sý kanaldary da bar. Tótenshe jaǵdaı mamandary sý aıdyndaryn patrýldeýden bólek, arnaıy reıd júrgizip otyrady. Bıyl kúz mezgili túskeli 109 ret reıd júrgizildi. Sol sııaqty halyq arasynda túsindirý jumystary ótkizilip, turǵyndarǵa qaýipsizdik nusqaýlyǵy taratyldy. Jáne mektep men JOO-da «muz qaýipsizdigi» taqyrybynda dárister uıymdastyryldy», - dedi Nur-Sultan qalasy Tótenshe jaǵdaılar departamenti azamattyq qorǵanys basqarmasynyń basshysy Rátbek Demeýbergen elorda ákimdiginde ótken baspasóz máslıhatynda.

Mamannyń aıtýynsha, muz qatý kezeńi bastalǵaly adam úshin qaýipti sý aıdyndarynda 110-nan astam tyıym salý belgisi ornatyldy.

Sondaı-aq, qalalyq tótenshe jaǵdaılar departamenti azamattarǵa muzdaǵy tártip erejeleri taǵy bir eske salady.

- Qaýipsiz muzdyń qalyńdyǵy bir adamnyń salmaǵy boıynsha eseptegende 7 sm-den kem bolmaýy tıis;

- Muz aıdynyn jasaý úshin muzdyń qalyńdyǵy kemi 12 sm bolýy tıis;

- Jaıaý ótkel úshin muzdyń qalyńdyǵy kemi 15 sm bolýy tıis;

- Muzzdyń ústinen avtokólik júrý úshin onyń qalyńdyǵy keminde 30 sm bolýy qajet.

Qaýipsiz muzdyń belgisi.

Berik muz.

- jasyl nemese kókshil reńdi móldir bolady;

- qarsyz ashyq keńistikte muz árqashan qalyń bolady.

Juqa muz:

- Onyń túsi sútti-bultty, sur ádette úlpildek ári synǵysh, mundaı muz eskertýsiz jarylyp ketedi;

- qarmen jabylǵan muz (beti qarmen jabylǵanymen muzdyń ózi juqa bolýy múmkin);

Jáne bir mańyzdy eskertý mas kúıinde muzǵa shyǵýǵa, sekirýge jáne muz ústimen júgirýge, bir orynǵa kóp adamnyń shoǵyrlanýyna tyıym salynady.


Avtor Álı Ibraev
Basty sózder: Aýa raıy, Qoǵam, Nur-Sultan,
Joǵary qaraı