Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada mas júrgizýshini toqtatpaq bolǵan 29 jastaǵy polıtseı aýyr jaraqattandy

2021 jyldyń 2 jeltoqsan 2021 22:23

NUR-SULTAN. QazAqparat - Nur-Sultanda mas júrgizýshini toqtatpaq bolǵan polıtsııa qyzmetkeri aýrýhanaǵa jetkizildi, dep habarlaıdy QazAqparat.

2 jeltoqsan kúni saǵan 14.00 shamasynda Qoshqarbaev kóshesinde qyzmetin atqaryp júrgen qalalyq patrýl polıtsııasy mamandandyrylǵan batalonynyń aǵa ınspektory Arhat Raqyshev Howo mashınasyn baıqap, ony toqtatpaq bolady.

Óıtkeni júk kóligi jolda apattyq jaǵdaı týǵyzyp, jol erejesin óreskel buzyp kele jatqan edi.

Kóliktiń júrgizýshisi polıtseıdiń eskertpesine qulaq aspaı, qozǵalysyn jalǵastyrǵan.

Polıtseı jaǵdaıdy túsinip, beton artqan avtomobıldiń júrgizýshisi qalanyń qaq ortasynda azamattarǵa qaýip tóndirip otyrǵanyn, talapqa baǵynbaıtynyn, bálkim saý emes ekenin baǵamdaǵan.

Sodan keıin ol kólikti toqtatýǵa tyrysqan. Ol radıostansa arqyly oqıǵa ornyn kórsetip, áriptesterinen kómek suraıdy.

Sodan keıin kóliktiń kabınasyna sekirip minedi. Alaıda júrgizýshi oǵan qarsylyq kórsetken. Saldarynan aǵa ınspektor jol boıyna qulap ketedi.

Polıtseıler kóliktiń jolyn jaýyp, aqyry toqtatty, kúdikti ustaldy. Júrgizýshiden alkogoldiń ıisi burqyrap turdy. Keıinnen saraptama onyń orta dárejede mas bolǵanyn kórsetti.

Qazir sotqa deıingi tergeý júrip jatyr. Kúdikti ýaqytsha ızolıatorǵa qamaldy. Kólik kommýnaldyq turaqta tur.

29 jastaǵy polıtsııa kapıtany Arhat Raqyshev aýyr halde aýrýhanaǵa jetkizildi. Dárigerler polıtseıdiń ómiri úshin kúresip jatyr.

Ol 2015 jyldan beri ishki ister organdarynda jumys isteıdi.



Joǵary qaraı