Aýa raıy
Astana 0 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Elordada markasy jáne nómiri birdeı 2 kólik anyqtaldy

2020 jyldyń 13 tamyz 2020 15:42

NUR-SULTAN. QazAqparat - NurSultan qalalyq Polıtsııa departamentiniń qyzmetkerleri memlekettik tirkeý nómiri birdeı 3 kólikti anyqtady, dep habarlaıdy QazAqparat tilshisi.

Polıtsııa departamentiniń málimetinshe, ákimshilik polıtsııa qyzmetkerleri Nur-Sultan qalasy aýmaǵyndaǵy jol qozǵalysyna monıtorıng jasaý barysynda bir-birinen aýmaıtyn eki kólikti anyqtaǵan. Osydan keıin polıtsııanyń barlyq saptyq bólimshelerine uqsas kólikterdi ustaý týraly baǵyttama jiberilgen.

«Vıdeobaqylaý kameralarymen qaraý barysynda 11 tamyz kúni avtomobılderdiń birin polıtsııa qolǵa túsirdi. Kelesi kúni memlekettik tirkeý nómiri birdeı ekinshi kólik anyqtalyp, ustaldy. Ustalǵan kólikterdiń júrgizýshileriniń aıtýynsha, olar avtomobıldi zańdy jolmen satyp alǵan. Sonymen qatar jol júrisi erejesin buzǵany úshin aıyppuldardy avtomobıl ıeleriniń biri ekinshisi úshin tólep kelgen. Qazirgi ýaqytta bul kólikter kommýnaldyq avtoturaqqa qoıyldy. Tergeý júrip jatyr», - dep atap ótedi vedomstvodan.

Sonymen qatar memlekettik tirkeý nómiri dál osyndaı úshinshi kólik Óskemen qalasynda anyqtalǵan. Kólik ıesiniń aıtýynsha, memlekettik tirkeý nómiri E 658 VN 138 RF «Toyota Estima» markaly kóligine ákimshilik aıyppul tólengeni týraly uıǵarym turǵylyqty mekenjaıyna kelip turady. Biraq qujatta kórsetilgen datalarda ol elordada bolmaǵan.


Avtor Marlan Jıembaı
Basty sózder: Nur-Sultan, Basqa memorgandar,
Joǵary qaraı