Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada LRT baǵandaryn eshkim buzyp jatqan joq - CTS

2022 jyldyń 18 mamyr 2022 22:36

NUR-SULTAN. QazAqparat – Nur-Sultan qalasynda qurylysy bastalyp, aıaqsyz qalǵan LRT baǵandaryn buzyp jatyr degen aqparat - jalǵan. Bul týraly City Transportation Systems kompanııasynyń resmı ókili málim etti, dep habarlaıdy QazAqparat tilshisi.

«Búgin áleýmettik jelilerde «LRT konstrýktsııalaryn buzyp jatyr» degen vıdeo keń tarap ketti. Osyǵan oraı taralǵan vıdeonyń ótken jyly túsirilgenin resmı túrde habarlaımyz. Atalǵan beınejazbada qytaılyq konsortsıým jaldaǵan tehnıkanyń jumysy beınelengen. Bul tehnıka qurylysqa qajet bórenelerge arnalǵan tehnologııalyq negizdi (alańdy) taldaý úshin jaldanǵan. Elordada LRT qurylysyn demontajdaý boıynsha eshqandaı jumys júrip jatqan joq», - dedi atalǵan kompanııanyń qoǵammen baılanys bóliminiń jetekshisi Naýat Azanbaeva.

Aıta ketsek, byltyr CTS kompanııasy LRT qurylysynyń alańynda qurylys-montajdaý jumystaryna daıyndyq bastalǵanyn habarlaǵan edi.

Eske salsaq, 2021 jyly mamyr aıynda atalǵan jobaǵa bólingen 6 mlrd teńgege jýyq qarjyny talan-tarajǵa saldy degen aıyp taǵylǵan birneshe azamat 7-10 jylǵa sottalǵan bolatyn.


Avtor Álı Ibraev
Basty sózder: Oqıǵa, Nur-Sultan, Kólik, Qurylys,
Joǵary qaraı