Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada Kreenıe rásimderine tyıym salyndy

2022 jyldyń 17 qańtar 2022 16:53

NUR-SULTAN. QazAqparat – El astanasynda koronavırýsqa qatysty epıdahýaldyń nasharlaýyna baılanysty Kreenıe dinı merekesinde jappaı shomylýǵa tyıym salyndy, dep habarlaıdy QazAqparat tilshisi.

Bul málimetti Nur-Sultan qalasy ákimdiginiń baspasóz qyzmeti rastady.

«Qalada epıdahýaldyń kúrdeliligine baılanysty Kreenıe qarsańynda shomylý ótkizilmeıdi. Bul - qalanyń bas sanıtar dárigeriniń sheshimi», - deıdi Nur-Sultan qalasy ákiminiń baspasóz hatshysy Aqmaral Oljabaeva.

Pravoslav hrıstıandarynda bul dinı meıram jyl saıyn 18 qańtardyń keshinen bastalyp, 19 qańtarǵa ulasady. Al sý aıdyndarynda ornalasqan oıyqtarda shomylý rásimi dál mereke kúni nemese keıingi kúnderi de ótkizile beredi.

Eske salaıyq, byltyr da elordadaǵy epıdemıologııalyq ahýalǵa baılanysty Shoqyný merekesine arnalǵan jappaı shomylý rásimine tyıym salynǵan bolatyn.


Joǵary qaraı