Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada kovıd statsıonarlaryndaǵy tósek sany artty

2021 jyldyń 29 shilde 2021 20:43

NUR-SULTAN. QazAqparat - Elordada koronavırýs juqtyrǵandar sanynyń ósýine baılanysty KVI jáne pnevmonııamen aýyratyn naýqastardy emdeý úshin qosymsha tósekter ornalastyryldy, dep habarlaıdy QazAqparat qala ákimdigine silteme jasap.

Máselen, kovıdke qaıta beıindelgen eki statsıonarda ınfektsııalyq tósek sany 400-ge deıin artty. Buǵan deıin Qoǵamdyq densaýlyq saqtaý basqarmasy qosymsha tósek-oryn sanyn jáne reanımatsııa bóliminde 80-nen astam tósek-oryn sanyn kóbeıtken edi.

Qaıta beıindelgen 16 kovıd statsıonarynda jalpy sany 4 myńǵa jýyq ınfektsııalyq tósek bar.

«Reanımatsııalyq tósek-oryndardyń birde-bireýi bos bolmaǵan kúnder boldy. Bul biz úshin qıyn kezeń boldy. Baqytymyzǵa oraı, patsıentter jazylyp, qaıtadan palataǵa aýystyryldy. Degenmen, ókinishtisi, palataǵa da, úıine de orala almaǵan naýqastar boldy. Azamattarǵa ekpeniń mańyzdylyǵyn taǵy da eske salǵym keledi. Tek vaktsınatsııa óz densaýlyǵyńyzdy, sondaı-aq jaqyndaryńyzdyń densaýlyǵyn qorǵaýǵa múmkindik beredi», - dedi basqarma basshysy Tımýr Muratov.

Buǵan deıin T.Muratov reanımatsııa bólimine KVI-ge qarsy ekpe almaǵan patsıentter túsetinin atap ótken. Sonymen qatar, olardyń densaýlyq jaǵdaıy 2-3 kún ishinde kúrt nasharlap ketetinin aıtqan.


Basty sózder: Nur-Sultan, Koronavırýs, Medıtsına,
Joǵary qaraı