Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada kópqabatty turǵyn úıden órt shyqty

2021 jyldyń 12 qazan 2021 23:03

NUR-SULTAN. QazAqparat – Nur-Sultan qalasynda turǵyn úı kesheninen órt shyqty, dep habarlaıdy QazAqparat qalalyq Tótenshe jaǵdaılar departamentiniń baspasóz qyzmetine silteme jasap.

«12 qazan kúni saǵat 16:35-te elordanyń órt sóndirý qyzmetiniń «101» pýltine Saryarqa aýdany, Birjan sal kóshesi, 6 mekenjaıynda órt bolǵany týraly habar kelip tústi. Órt sóndirý qyzmeti dereý oqıǵa ornyna shyqty. Anyqtalǵandaı, turǵyn úı kesheniniń 2 qabatyndaǵy páter men lombard ǵımaratynan órt shyqqan», - delingen habarlamada.







TJD-niń málimetinshe, tilsiz jaý saǵat 16:58-de aýyzdyqtalyp, saǵat 17:05-te tolyq sóndirilgen.

«Órt sóndirýshiler 1 adamdy qutqardy, 15 adam evakýatsııalandy. Órtpen kúreske 8 tehnıka jáne jeke quramnyń 22 órt sóndirýshisi tartyldy», - dep habarlandy atalǵan mekemeden.








Joǵary qaraı