Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada kólikpen soqtyǵysqan mototsıkl júrgizýshisi qaza boldy

2021 jyldyń 17 qazan 2021 20:47

NUR-SULTAN. QazAqparat – Elordada jeńil kólik pen mototsıkl soqtyǵysty. Jol apaty saldarynan mototsıkldiń júrgýzishisi oqıǵa ornynda mert boldy, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.

«17 qazan kúni saǵat 16:54-te «Daewoo Nexıa» markaly avtokólik ıesi Abylaı han dańǵylynyń boıymen kele jatyp, Jansúgirov kóshesiniń qıylysynda mototsıkl júrgizýshisimen soqtyǵysty. Alǵan jaraqatynan mototsıkl júrgizýshisi oqıǵa ornynda qaza boldy», - delingen habarlamada.

Jol apatyna qatysty sotqa deıingi tergep-tekserý amaldary bastaldy.

Osy oraıda Polıtsııa departamenti jol qozǵalysy kezinde muqııat bolyp, jolda júrý erejesin saqtaý kerektigin eskertedi.


Joǵary qaraı