Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qarsy jolaqpen júrgen taksıstke qatysty is qozǵaldy

2021 jyldyń 25 qańtar 2021 11:00

NUR-SULTAN. QazAqparat – Elordada taksı júrgizýshisi qarsy bettegi jolaqqa shyǵyp ketkeni úshin ustaldy, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

Apattyq jaǵdaı týǵyzǵan taksı júrgizýshisi qalyń kólik aǵynynan shyǵyp, qarsy jolaqpen júre bergen. Jol qozǵalysy erejesin buzý faktisi avtokólik Dostyq kóshesi jaǵynan Turan dańǵylymen kele jatqanda beınebaqylaý kamerasyna tirkelgen.

Patrýldik polıtsııa qyzmetkerleri «Kia Rio» avtokóliginiń júrgizýshisin ustady.

Qarsy jolaqqa shyqqany úshin ákimshilik is qozǵaldy, taksı júrgizýshisine qatysty jınalǵan materıal Nur-Sultan qalasynyń ákimshilik sotyna jiberildi.

Mundaı zańbuzýshylyq úshin júrgizýshiler ákimshilik zańnamaǵa sáıkes 6 aıǵa deıin júrgizýshi kýáliginen aıyrylýy múmkin.


Aıta keteıik, 20-22 qańtar aralyǵynda elorda aýmaǵynda jedel aldyn alý sharasy ótkizildi.

Qoǵamdyq kólik jolaýshylaryna qolaısyzdyq týǵyzbas úshin, qoǵamdyq kólik júrgizýshileriniń jol qozǵalysy erejelerin buzý faktilerin PD Jedel basqarý ortalyǵynyń beınekameralary anyqtady.

Uıaly telefonmen sóılesý, qaýipsizdik beldigin taqpaý, manevr jáne qarsy qozǵalys jolaǵyna shyǵý sııaqty zań buzýshylyqtar tirkelgen.

Jedel aldyn alý sharasyn ótkizýdiń 3 kúninde ákimshilik jaýapkershilikke 500 avtobýs pen taksı júrgizýshisi tartyldy.

Shara barysynda avtobýs júrgizýshileri reıs aldyndaǵy medıtsınalyq tekserýden ótedi, júrgizýshilerdiń eńbek jáne demalys rejımin saqtaýy tekseriledi.


Basty sózder: Vıdeo, Kólik, Zań, Nur-Sultan, Oqıǵa,
Joǵary qaraı