Aýa raıy
Astana 6 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Elordada káriz betindegi qaqpaqty urlap kelgen kúdiktiler ustaldy

2020 jyldyń 14 qyrkúıek 2020 20:45

NUR-SULTAN. QazAqparat – Qylmystyq isti tekserý polıtsııasy elorda aýmaǵynda shoıyn lıýkterdi urlaýmen aınalysyp júrgen adamdardy qolǵa túsirdi, dep habarlaıdy QazAqparat Nur-Sultan qalalyq polıtsııa departamentiniń baspasóz qyzmetine silteme jasap.

Olar 23 jastaǵy Soltústik Qazaqstan oblysynyń týmasy men onyń 20 jastaǵy tanysy bolyp shyqty. Ol – Qostanaı oblysynyń turǵyny. Kúdiktiler 1 qyrkúıekten beri 15 lıýkti urlaǵany anyqtaldy. Jigitter túnde «BMW» avtokóligimen ındýstrııalyq saıabaq mańyna kelip, qaqpaqtardy alyp ketip otyrǵan.

Qylmyskerler minip júrgen kólik beınetaspaǵa jazylyp qalǵan. Avtokóliktiń ıesi anyqtalyp, polıtsııa bólimshesine jetkizildi.

Jigitter urlanǵan káriz qaqpaqtaryn Lesozavod aýdanyndaǵy temir qabyldaıtyn pýnktke ótkizgeni belgili boldy. Polıtseıler urlanǵan 15 lıýkti tárkiledi.

Satyp alýshyny ákimshilik jaýapkershilikke tartý jáne ony «urlanǵan zatty satyp alýshy» retinde esepke alý máselesi qarastyrylyp, onyń áreketiniń zańdylyǵy tekserilip jatyr.

Qazirgi ýaqytta QR QK 188-baby (Urlyq) boıynsha tergeý bastaldy. Kúdiktilerdiń osy sekildi basqa da qylmystarǵa qatysy bar-joq ekeni tekserilip jatyr.



Basty sózder: Zań, Nur-Sultan, Oqıǵa,
Joǵary qaraı