Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qaraýsyz qalǵan maldar úshin aıyp turaǵy ashyldy

2021 jyldyń 12 qazan 2021 09:00

NUR-SULTAN. QazAqparat – Nur-Sultan qalasynda kóshede beı-bereket júrgen úı maly aıyp turaǵyna jetkiziletin bolady, dep habarlaıdy QazAqparat.

«Jergilikti polıtsııa qyzmeti basqarmasy QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń Nur-Sultan qalasy boıynsha aýmaqtyq ınspektsııasymen jáne elordanyń aýdandyq ákimdikterimen birlesip, QR Ákimshilik quqyq buzýshylyq týraly kodeksiniń 406, 408-baptary boıynsha janýardyń menshik ıesin ákimshilik jaýapkershilikke tartý jóninde komıssııalyq sheshim qabyldaıdy.

Atalǵan baptar elorda aýmaǵynda maldy beı-bereket jaıý faktisin anyqtaý jaǵdaılaryna qatysty», - delingen qala ákimdiginiń resmı saıtynda.

Málim bolǵandaı, janýar ıesiniń jeke basy jáne mán-jaı anyqtalǵanǵa deıin qaraýsyz qalǵan aýyl sharýashylyǵy janýarlary Nur-Sultan qalasy, Alash tasjoly, 72 mekenjaıynda ustalatyn bolady.

«Janýarlardy ıesine qaıtarǵan kezde ıesi sol aralyqqa deıingi shyǵyndy óteýi tıis.

Bul sharalar qaraýsyz qalǵan janýarlardyń saldarynan bolatyn jol-kólik oqıǵalarynyń, sondaı-aq maldy urlaý men zańsyz ótkizý faktileriniń aldyn alýǵa múmkindik beredi», - dedi ákimdikten.

Tolyq aqparat alý úshin myna telefondarǵa habarlasýǵa bolady: 8(7172)55-68-96, 8(7172)28-59-70.


Joǵary qaraı