Aýa raıy
Astana 6 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Elordada karantınge qarmastan túnde de jumys istegen kompıýterlik klýb anyqtaldy

2020 jyldyń 19 qyrkúıek 2020 16:25

NUR-SULTAN. QazAqparat – Kámeletke tolmaǵan jasóspirimder arasyndaǵy quqyqbuzýshylyq pen qylmystyń aldyn alý maqsatynda elorda polıtseıleri turaqty túrde tekseris júrgizip turady, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

Tártip saqshylary jumadan senbige qaraǵan túni Qabanbaı batyr kóshesinde karantın erejesin buzyp, túnde jumys istep jatqan «CYBER STRONG» kompıýter klýbyn anyqtady. Tekseris kezinde klýbta 60 adam bolǵan, onyń 3-ýi kámelet jasyna tolmaǵan.

Kámeletke tolmaǵandardyń túngi ýaqytta oıyn-saýyq mekemesinde bolǵany nemese zańdy ókilderinsiz júrýi úshin úsh jasóspirimniń ata-anasy QR ÁQBtK-tiń 442-baby 1-tarmaǵy boıynsha ákimshilik jaýapqa tartyldy.

Sondaı-aq jasóspirimderdi oıyn-saýyq mekemesine kirgizgeni úshin kompıýter klýbynyń ákimshisi de QR ÁQBtK-tiń 132-baby boıynsha ákimshilik jaýapqa tartyldy.

Kompıýter klýbynyń ıesine qatysty QR ÁQBtK-niń 425-baby «karantın rejımin buzý» áreketi boıynsha ákimshilik jaýapqa tartý úshin materıal jınalyp, Taýarlar men kórsetiletin qyzmetterdiń sapasyn baqylaý basqarmasyna joldandy.

Polıtsııa kámeletke tolmaǵandarǵa túngi ýaqytta oıyn-saýyq mekemelerinde 22:00-den 6:00-ge deıin, al zańdy ókilderiniń erip júrýinsiz turǵyn úıden tys jerde 23:00-den 6:00-ge deıin bolýǵa tyıym salynǵanyn eskertedi.


Basty sózder: Zań, Nur-Sultan,
Joǵary qaraı