Aýa raıy
Astana 7 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Elordada karantın kezinde dúkender, dámhanalar jumys istegen

2020 jyldyń 13 tamyz 2020 08:47

NUR-SULTAN. QazAqparat - Elordada dúkender, meıramhanalar men jalǵa berý keńseleri karantın kezinde jumys istegen, dep habarlaıdy QazAqparat qala ákimdigine silteme jasap.

Elordada karantın tártibin saqtaý boıynsha reıdter jalǵasýda. Tekserý kezinde 11 tamyz kúni túnde Erimbetov kóshesinde «Shashlyk» jáne «Belyı dom» dámhanalary jumys istegeni anyqtaldy.

Polıtsııa, epıdemıologter, eriktiler, jergilikti atqarýshy organdardyń ókilderinen quralǵan mobıldi top kelgen kezde mekemede 11 klıent boldy.

Sondaı-aq Balqantaý kóshesindegi «Kentaý», Saryarqa dańǵylyndaǵy «Asqar» dúkenderiniń túngi 22.00-den keıin jumys istep, bas sanıtarlyq dárigerdiń sheshimin buzǵany anyqtaldy.

Sonymen qatar, kúndizgi tekserý kezinde Dostyq kóshesindegi «Karıma» meıramhanasynda kelýshiler áleýmettik qashyqtyq saqtamaǵany belgili boldy.
Sondaı-aq balalar oıynshyq kóligin jalǵa berý, saıabaqtyń birinde balmuzdaq satylǵan.

«Barlyq buzýshylarǵa qatysty materıaldar jınalyp, sheshim qabyldaý úshin Taýarlar men qyzmetterdiń sapasy men qaýipsizdigin baqylaý basqarmasyna jiberildi. 5 shildeden bastap Nur-Sultan qalasynda 722 zań buzýshylyq tirkeldi, olardyń 487-si tyıym salynǵan ýaqytta qyzmetin júzege asyratyn kásipkerlik sýbektileri», - dep habarlady Nur-Sultan qalasynyń polıtsııa departamenti.


Basty sózder: Karantın, Nur-Sultan,
Joǵary qaraı