Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qar basyp qalatyn aýmaqtardyń ahýaldyq kartasy ázirlendi

2021 jyldyń 24 qarasha 2021 15:37

NUR-SULTAN. QazAqparat – Elordada qar jıi basyp qalatyn ýchaskelerdiń ahýaldyq kartasy daıyndaldy. Bul týraly Nur-Sultan qalasy Tótenshe jaǵdaılar departamenti azamattyq qorǵanys basqarmasynyń basshysy Rátbek Demeýbergen málim etti, dep habarlaıdy QazAqparat tilshisi.

«Qazgıdromettiń» boljamyna sáıkes, elorda aýmaǵynda qystykúngi aýa raıy kúndiz -12-15 gradýstan, keıde -22-ge deıin tómendemek. Al túnde -15-22 gradýstan, keı sátte -32-ge deıin aıaz kútilýde. Qardyń qalyńdyǵy 25 sm-ge deıin jetedi dep boljanýda. Osy oraıda elorda turǵyndary men qonaqtarynan kúzgi-qysqy kezeńde qaýipsizdik talaptaryn saqtaýǵa shaqyrǵym keledi», - dedi Rátbek Demeýbergen elorda ákimdiginde ótken baspasóz máslıhatynda.

Onyń aıtýynsha, qysta bolýy múmkin tótenshe jaǵdaıdyń aldyn alý sharalary qarastyrylyp otyr.

«Bıylǵy qysqa daıyndyq barysynda elordanyń tótenshe jaǵdaı komıssııasynyń 2 otyrysy ótti. Onda qalanyń azamattyq qorǵanys qyzmetiniń qysqa daıyndyǵy qaralyp, pysyqtaldy. Nátıjesinde ýákiletti organdar men jaýapty uıymdarǵa tıisti tapsyrma berildi. Búgingi tańda elordada jedel azamattyq qorǵanys toby quryldy. Onyń quramynda tótenshe jaǵdaı, polıtsııa departamenti, Ulttyq ulan, Qazavıaqutqarý, Qazavtojol jáne taǵy basqa quzyrly uıymdardyń ókili bar», - deıdi ol.

Sondaı-aq, TJD ókili jeke quramnyń 704 mamany men 462 birliktiń azamattyq qorǵanysqa daıyn ekenin jetkizdi.

«Qajetti qorǵanys kúshi men quralyn bekite otyryp, qalanyń qar jıi basyp qalatyn 16 ýchaskeniń ahýaldyq kartasy ázirlendi. Sonymen qatar qala syrtynda 7 qar polıgony bar. Jalpy qala avtojoldarynyń qar basatyn ýchaskesiniń uzyndyǵy 2,5 shaqyrymdy quraıdy. Odan bólek, elorda aýmaǵynda 1250 dana qar ustaıtyn qalqan ornatyldy», - dedi basqarma basshysy.


Avtor Álı Ibraev
Basty sózder: Nur-Sultan, Aýa raıy, Qoǵam,
Joǵary qaraı