Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada ishki ister organdary qyzmetine qatysty jádigerler kórmege qoıyldy

2022 jyldyń 18 mamyr 2022 14:57

NUR-SULTAN. QazAqparat – Elorda jurtshylyǵy kórmege qoıylǵan jádigerler arqyly tártip saqshylarynyń jumysymen jaqynyraq tanysa alady, dep habarlaıdy QazAqparat tilshisi.

«Bizdiń mınıstrlikte ishki ister organdary qyzmeti tarıhynan syr shertetin mýzeı jumys isteıdi. Sondaı-aq, barlyq óńirde polıtsııa departamenti janynda óz mýzeıleri bar. Otandyq ishki ister organdary qyzmetiniń 100 jyldan astam tarıhy bar. Bizdiń mýzeı Іshki ister mınıstrliginiń ǵımaratynda ornalasqan. Búgin halyqaralyq mýzeı kúnine oraı biz keıbir tarıhı jádigerlerdi kópshiliktiń nazaryna usynýdy jón kórdik. Kórmege ishki ister organdary qyzmetine qatysty dúnıeler qoıyldy», - dedi QR Іshki ister mınıstrligi mýzeıiniń jetekshisi Almagúl Sátmaǵanbetova kórmeniń ashylýynda.




Kórmege Keńes zamanynan bastap búgingi polıtsııa qyzmetinen habar beretin zattar men kartınalar qoıylǵan. Atap aıtqanda, krımınalısterdiń jumys quraly, qylmyskerlerden tárkilengen qarý jáne shabýyl jasaý quraldary.




«Kórmege qoıylǵan zattardy kelýshiler qolymen ustap kóre alady. Sol arqyly tarıhpen tanysady. Keıbir jádigerler qazaq mılıtsııasynyń qalyptasýynan habar beredi. Kórmege 150 jádiger qoıyldy. Sonymen qatar tártip saqshylarynyń eńbegimen qatar jasaǵan erlikterimen tanysýǵa bolady. Keńes zamanynda 500-den astam ishki ister organdarynyń qyzmetkeri sotsıolıstik eńbek eri atandy», - deıdi ol.







Kórme elordadaǵy «Alataý» sport kesheninde búgin saǵat 17:00-ke deıin jumys isteıdi.

Aıta keteıik, atalǵan kórme elimizdiń ishki ister organdarynyń qurylǵanyna 30 jyl jáne balalar jylyna oraı uıymdastyrylyp otyr.



















































Avtor Álı Ibraev
Basty sózder: Mádenıet, Nur-Sultan, Polıtsııa,
Joǵary qaraı