Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada ıpotekamen «kómektespek» bolǵan alaıaq ustaldy

2022 jyldyń 24 qańtar 2022 13:45

NUR-SULTAN. QazAqparat – Elordada alaıaqtyq jasaý kúdigimen 38 jastaǵy qala turǵyny ustaldy. Bul týraly Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.

«Elordalyq 38 jastaǵy áıel bankpen baılanysy bar ekendigin aıtyp, tómen paıyzben ıpoteka rásimdeýge kómek kórsetýge ýáde bergen. Áıel óz qyzmetin tanystary arqyly usynǵan. Ótken jyl boıy alaıaq 4 ańqaý azamatty aldaǵan. Zardap shegýshiler salǵan bastapqy jarna somasy 600 myń teńdegen bastalyp, odan da kóp somany quraıdy. Ol óziniń syıaqysyn birden alǵanymen ýádesin oryndaýǵa tyryspaǵan da. Kúdikti alaıaqtyq jasaǵandyǵyn moıyndady. Onyń ústinen QR QK 190-baby 3-bóligi boıynsha sotqa deıingi tergeý amaldary júrgizilip jatyr. Sonymen qatar onyń elorda aýmaǵynda jasalǵan osyǵan uqsas qylmystarǵa qatysy bar-joǵy tekserilýde», - dep atap ótedi departamentten.

Vedomstvonyń habarlaýynsha, atalǵan bapta 7 jylǵa deıin bas bostandyǵyn shekteý nemese múlkin tárkileı otyryp, dál sondaı merzimge bas bostandyǵynan aıyrý jazasy kózdelgen.

Osy oraıda Nur-Sultan qalalyq Polıtsııa departamenti azamattardy saq bolýǵa jáne beıtanys adamdarǵa senbeýge shaqyrady.


Joǵary qaraı